# يوجد غيري 💔
للكاتبة : Rana
الحلقة 7
تسريع الاحداث!!
بعد سبوعين بنطلع اني وماما نشرو حوايج
تليفوني شوين يلي كانت مياس
فتحت الخط..
اني. الو ميوس
مياس. الوين شن الاخبار
اني. تمام وانتي
مياس. اهو ماشية
اني. بتجي العرس ولا
مياس. اي انشاءلله مستحيل نفوته عليا 😂😂
اني. ميه ف الميه باي توا اني طالعة
مياس. باي وين لاكن ماشية
اني. نشرو حوايج العرس
مياس. اها كويس شن رايك نلبسو زي بعض
اني. فكرة حلوا والله خلاص وتي روحك تحطمو عليك اشري معانا
مياس. تو نشوف سالم كان قالي باهي كان قال لا بري انتي اشري بعدين قوليلي مكانه نمشي نشري منه
اني. ميه ف الميه سلام
مياس. سلامات 💙
———————-
حوش العروسة ( امال)🤍
امال. هي شني ياماما ناخدو الفيلو
ام امال. هي توا بعدين شوية يجي خوك يطلعنا نمشو نشروه
امال. باه كويس
———————
حوش مياس
مياس. ونبي وراس وخيي
تكلم فيه في التليفون !!
سالم. سكري اني في الخدمة
مياس. ونبي سالم
سالم. تي باهي بري
مياس. شكـ(سكر الخط...)
مياس. اوووف مبرده
فتحت كلمت ملاك
اني. الو
مياس. اخطمي عليا
اني. تمام هي وتي روحك مسافة الطريق ونكون عندك
مياس. تمام
سكرت الخط...
وناضت تلبس
———-
في السيارة
اني. عزو اوقف علي مياس تمشي معانا
عزو. اووووف في كل شي ناطة معانا صاحبتك
اني. ونبي وراسك عزو
غزل. اوقف علي البنت ياناري تسخف
عزو. علاش تسخف العفو😒
اني. ونبي وراسك عزو
عزو. باهي باه
وصلنا قدام الحوش
عزو. قوليلها تطلع
اني. بعتلها مسج تو تطلع
عزو. هي نراجوها السيدة
غزل. عيب يا وليدي
طلعت مياس ومشينا المحلات
شرينا وكملنا كان نفس الشي العروسة كلمت
خلااص جي وقت العرس
طبعاً قرو الفاتحة ودارو كل شي بس اني ح نختصر ب حنقول ع الدخلة بس
كنت لابسة قفطان طويل منفوخ شوية لونه احمر
وكانت حتى مياس قفطانها زيني غر هيا لونه وردي
درنا شعرنا ومكيجنا مكياج بسيط وطلعنا
اني كان معنديش اخت كانت مياس زي اختي بزبط طبعاً حني قاعدين في الحوش مدايرين حاجات بسيطة في الجنان ك زينة طبعاً خوي ح يسكن فوقنا
وكانو خوتي كلهم طارحين لين اني معاش عرفتهم 😂
شوية وجي احمد شن نقوللكم اول مرة نشوف خوي هكي
طبعاً في عماتي وخالاتي وهكي
احمد سلم وبيمشي يجيب العروسة اني ومياس بنمشو
وخالتي الكبيرة لان ماما متقدرش تسيب المعازيم
مشينا وخشينا الصالة يلي امدايرينها
شوفت العروسة وكيف بالفيلو طبعاً سلمنا ع يلي نعرفوهم وقعمزنا م بين خدو احمد وامال صور
كانت العروسة تجنن بكل معنا الكلمة فيلوها قنين لين خلاص و مكياجها بسيط كانت واضحة انها بنت رقيقة وبسيطة متحبش الاوفر هلبا
كملنا وروحنا نزلنا من السيارة
علي صوت تزغريط خششنا العروسة قعمزت شوية
بعدين ركبت هيا واحمد حوشهم
الحوش بدي يفضا شوية شوية
طبعاً مياس بايتة معاي وحتى بنات خالاتي وخالتي الصغيرة بس لان هيا الوحيدة مش متجوزة
خلاص روحو الناس ركبت بدلت لبست توتي
اني ومياس زي بعض طبعاً
هما كلهم لوطة يهدرزو اني ومياس قعمزنا فوق
نهدرزو لين خبط الباب كانو زيد وزياد
اني. خشو
مياس لبست وشاحها
زياد. اوووف شن هادا تعرفي حتى خشان للحوش مقدرتش محاوطينه كله
اني. خالتك وبنات خالتك راهو بس
زياد. ماهو دوتهم هلبا
زيد ساكت
زياد. تي حني حتى لما تتلاقو منشوش هكي يجو يباتو مرة وحدة
اني. تي عادي هيا مرة في العمر
زياد. اخر مرة بإذن الله
زيد. في عرسي نبيهم يباتو
اني و مياس نضحكو
زياد. مصحك وتقول فيها خل نتجوز اني وعزو قبلك
زيد. تجوزو مني شادكم اني ندوي علي عرسي ان كان قبلكم ولا بعدكم
زياد. اهاااااااااا
زيد. اي ( وطلع وسكر الباب)
اني. خيره ولا جدي خوك هلبا
زياد. في حاجة وراه انحس فيه اليوم اكثر حاجة مضايق
اني. حتى اني اول مرة نشوف زيد هكي
زياد. هكي تصبحو علي خير
اني ومياس. وانت بخير
طلع زياد
مياس تكت بنرقد
خشو بنات خالتي ال6😂😂😂
لي داري طبعاً هدروز شوية ورقدو
طبعاً مفيش حد يزبط بـ اني منبيش جاد يزبطوه خطبني وخلاص
اني قعمزت فتحت مذكرتي ونفكر شن نكتب
خشت خالتي
خالتي هادي صاحبتي هلبا لقتني شادة المذكرة
دارت جو البصارة وخدتها المهم قرتها
اني قررت اني نحكيلها علي محمد وانّي منبيش جاد
وهيا ساعدنتي وقتلي يلي درتيه صح انك قبلتي محمد وتوا انشوفو هوا لو كويس مفروض يجي ويخطبك المهم قعدت تنصح فيا بعدين رقدت
اني فتحت المذكرة وكتبت يلي صار معاي كله اليوم
لان ملقيتش اقتباس يعبر علي في داخلي
سكرت المذكرة ورقدت
تاني يوم الساعة 6:00
نوضتي مياس
مياس. نوضي بسرعة
اني. خيرك شن في
مياس. ....
اني 😨😨
يتبع..
رايكم 🤍
أنت تقرأ
# يوجد غيري 💔 ( روايات ليبية)
General Fiction# يوجد غيري 💔 للكاتبة:Rana المقدمة❤️ الرواية تحكي ع بنت عايشة حياة طبيعية وفجأة فـ يوم من الايام صارلها مشكلة وهيا يلي حنتعرفو عليها خلال سرد الحلقات انتظروني....
