# يوجد غيري 💔
للكاتبة : Rana
الحلقة 11
كملنا هدرزة وضمينا
لين سمعنا بابا
صالح. احمممممد عبد المعز
زيد. خيرك يا بوي
صالح. وين خوتك
زيد. احمد هاوني في الكوجينهه عزو منعرفش
صالح دفه وخش للكوجينهه. احمد هي وتي الحاجات لان فاتحة اختك بعد غدوة
اني. لوحت الصونية يلي كنت نغسل فيها. ش شني
صالح. زي م سمعتي
اني. انت متفهمش فيا شن نقول قتلك منبيشي انت متحسش
اول م نكمل الجملة نلقا كف جاني
اني تمالكت اعصابي وطلعت من الكوجينهه
مشيت لـ داري سكرت الباب ونهرت بكي
فتحت المذكرة وكتبت ( مؤمنة جداً ان القدر لا يلهو معنا ، وكل صدفة من حياتنا من تكتيك القدر ، أتوكاً على الارشيف التجاربي مع الخير المتنكر في لباس النقمة ، لأ تجاوز كل مضارع مؤلم ، وأتفائل ، هذا المضيق الذي اعبره لن يدوم ، ثمة محيطً ينتظرني )
سكرت المذكرة
واني طول اليوم في الدار تخشلي مياس بس ع اساس بس ناكل بس اني منقدرش نحط لقمة في فمي فات اليوم ويلي بعده وهما يجهزو ويشرو وكأن يجهزولي في قبري
جي يوم الفاتحة
بس المرة هادي بدل م انوض نبكي
نوضت لقيتهم يبكو علاش مش عارفه
اني. خيركم شن في
غزل. 💔 بوك يا ملاك بوك
اني. خيره
غزل. مرض وتوا احمد رفعه يعاينه
اني تجاهلت الموضوع ككله وركبت داري قعمزت انفكر معاش عرفت نفرح لانه مرض احتمال منتجوزش جاد ولا نزعل لانه بوي ومهما دار استيحالا نتمناله المرض او الموت
خش زياد
زياد. صباح الخير
اني. صباح النور
زياد. خيرك
اني. والله ما تي عارفه نزعل ولا نفرح في الاخير بوي هادا منتمنلاش المرض ولا الموت
زياد. بعيد السو عليه لاكن المهم يعرف ان ربي مع المظلوم يعني اني منعرفش علم الغيب ولاكن مرات ربي يجازي فيه علي داره فيك
اني. الله اعلم
زياد. هيا سلم وخيتي ديريلي م نفطر كلهم يتباكو
اني. حاضر
طلعت الكوجينهه درت فطور للكل
بس قليل من رضي ياكل
خل نمشو ل محمد شوية
محمد قاعد نفس الحال
24 ساعة في داره ولا انطوائي هلبا
مع انه يعتبر مدواش مع ملاك هلبا بس تعلق فيها
حوش مياس
كانت سوسن تهبل هيا وسالم طالعين ع بعض
وهيا تنزل كل يوم باش اضم مع كوثر بحكم انها بروحها
نرجعو ل حوش ملاك
كنا كلنا في الصالة اني زيد مياس زياد وعزو و ماما وامال
غزل. كلم احمد شوفه
عزو. من امبكري انكلم فيه تليفونه مسكر
غزل. ووووووه عليا وووه 😫💔😭
جت العشية روح احمد
طبعاً الكل تلاقا عليه بمعنى هيا قول شن في بوك
احمد. بوي عنده مرض
غزل. عارفينه مرض شن حيكون يعني
احمد. اوووف عنده الورم يام كويس هكي تمام
غزل اغمى عليه كلهم قعدو يقيمو فيها وينوضو فيها
اني وقفت ع احمد
احمد. انتي بدات متدويش معاي هادا كله بسببك
اني. كيف ورم مش مفروض يبان من الاول
احمد. هوا بان علينا الفترة يلي فاتت لما مرض وقلناله مفيك شي وممشيناش عيناه
اني. اوووف
كان الوضع في الحوش متوتر هلبا
المهم روح ومشي ل تركيا هوا واحمد وماما
باش يبدا في العلاج
اني كل يوم ندعيله بالشفاء
وطبعاً زيد نزل هوا ومياس قعدو لوطة
وامال مشت حوش تكتبيها
كل يوم انكلمو فيهم حالتهم مطمنش
كانو يكتفو بكلمة الحمدلله
فات الشهر الاول والثاني
واحني علي نفس الحال
اني نسيت الجواز من راسه قلت لو بابا ولا حاله باهي حنتجوز جاد وخلاص اني ننظلم ولا الحوش بأكمله
محمد نفس الحال مفيش جديد
إلا انه بدي مرة مرة يكلم في ملاك ع تليفون زياد
اني نبكي ع حالتي وحالة بابا والحوش المتوتر
اي خلاص لين جي اليوم يلي عرفنا فيه ان
احمد. اي يا عزو احني مروحين وتي كل الحاجات
عزو. تمام توصلو بالسلامة
احمد. انشاءلله
سكر الخط....
اني. شن في
عزو ناض من ع الكنبة. البقاء لله 💔
اني مصدومة الكل كان يبكي اني نبكي بصدمة
يعني بنعيشو بدون بابا
ناضو يوتو في حاجات العزي
الناس كلها عرفت
طبعاً تفكير جاد اللحظة هادي مكانش زي تفكيرنا وتفكير اي حد سمع ب الخبر
كان تفكيره كله ان ملاك مش حتتجوزه
روح احمد وغزل من السفر
كان وجهه ماما ميوصفش الصراحة ضاعفة هلبا وباين عليها متأثرة
بدو الناس يجو باش يعزو 💔
———————
استغفر الله ... استغفر الله 🤍
اللهم صلي وسلم على سيدنا محمد 🤍
——————————
اي خلاص كلنا مقعمزين نقرو في قرآن
وبعد ما فاتو 3 ايام العزي والناس قلت
نسمعو صوت رصاص يلي كان ....
اني...
يتبع..
رايكم 🤍
اعطو الرواية لاقاربكم يقروها عشان يتفاعلو 🤍
أنت تقرأ
# يوجد غيري 💔 ( روايات ليبية)
General Fiction# يوجد غيري 💔 للكاتبة:Rana المقدمة❤️ الرواية تحكي ع بنت عايشة حياة طبيعية وفجأة فـ يوم من الايام صارلها مشكلة وهيا يلي حنتعرفو عليها خلال سرد الحلقات انتظروني....
