العشق سرا
للكاتبة فاطمة محمد
الجزء الثالث
كلهـــه تباوع عله الراس!
وأنه گليبـــّي المشيـــب..
عينك عليهّ شوَية يا ليل ..
موّ مثل الأول گِلبي بي حيل !
*********
يمامه _ طلعت اركض من الباب الخلفي اركض والدنيا ليل وين اروح واني بمكان ما اعرف احد بي من خوفي بقيت للفجر اركض للفجر تعبت ما كدرت امشي بعد كعدت جوا نخله ارتاح شويه بس غمضت عيوني غفيت للصبح سمعت صوت ..
.
.
احمد _ اني احمد من سكنه ديالى الوحيد لاهلي ابوي وامي ماتو بحادث وعافولي كاع اشتغل بيهه بيتي اجار ويادوب مكفي روحي الله ساترنه وعايشين الحمد لله طلعت الصبح لكاعي اسكي الزرع وشوف بنيه نايمه الله خلقهه وما خلق غيرهه سبحانك ياربي من جمال شايلته بقيت صافن بوجهه احس حوريه من الجنه وبس ارمش عيوني تروح كحيت ماحست عليه
ا
حمد _ هااا بوويه هااا .. ماكو متحس غير تكعد عاد بله شلون راح اكعدهه
_ الله بالخير عميي صاررر الصبحح
يمامه _ حسيت حركه يمي وصوت فزيت بسرعه لملمت روحي منووو انت
_ انتي منو وشجابج هنا وين اهلج بويه ولد الحرام هواي لو شايفج أحد ما يرحمج شطلعج وحدج
يمامه _ بقيت ابجي بعد الي شفته فقدت الثقه بالكل عليك الله عمو عوفني اني ماعندي أحد
احمد _ أمني يابه والله ماسويلج شي احجيلي شنو سالفتج بلكي اكدر اساعدج
يمامه _ كعدت احجيله قصتي وشسوا خالد بيه
_ كومي بويه كومي اخذج لبيتي ماعندي أحد غسلي وارتاحي بي
_ لا ما اروح اخاف
_ بويه احنه عالم تخاف الله وماعنده سوالف مو زينه كومي وياي كومه...
يمامه _ مشيت ويا بيته بسيط سألته عن أهله كال ميتين انقهرت شلون عايش وحده منو يطبخلك وهدومك منو يغسلهن
احمد بضحك _ اني اعجبج ربة بيت اصيل
يمامه _ ضحكت على سوالف مبين من أهل الله امنت
احمد _ شوفي بويه اني ماعندي أحد ومحتاج الي شيل بيتي وتحافظ عليه بغيابي وانتي هم محتاجه بيت واني اوعدج مايوم تسمعين كلمه ما تعجبج
يمامه _ صفنت صح كلامه كتله اشكرك فضلك هذا عمري ما انسى
_ شتحتاجين اني موجود اعتبريني اخوج... يله اني اروح اشتغل اترخصج بويه ..
يمامه _ حمدت الله دزلي واحد يخاف الله طلع لشغله شويه ورجع
احمد _ يمامه اطلب منج طلب
يمامه _ اي كول
مشتهي دولمه من ماتت امي بعد ما اكلتهه
_ هاا ايي تدلل ... بله واني شمعرفني اطبخ يله هن تمنات ولفهن بسلك
احمد _ اكتبي شتحتاجين واني اجيبلج .. اسوكت الهه وطلعت لشغلي واني انتضر وكت الغدا اليوم دوولمه وهلا رجعت للبيت وطخت بخشمي الريحه الطيبه ذكرتني بامي الله يرحمهه شويه صبتلي غدا اكلت اول لكمه لو تندمت على عمري ولج هاي شنو هاي فااهيية
_ يا نسيت احط ملح
احمد_ فتحتهه اشو هاي بس تمن وطماطه يمامه
_ ها
_ بغلات امج كليلي بتيته
_ هاا والدولمه
_ التوبه اذا طلبت منج اسويهه
يمامه _ طلعت والدمعه بعيني وصار ساعه الف بيهه مو صوجه اي والله صوجي متعبه روحي رحت كليلته ودردم ويه روحي ...
مرت الايام واحمد يجي بس وكت الغدا والعشه ومن ينام باقي النهار لو شغل لو طالع طول هاي الايام مشفت اي تصرف غلط منه حمدت الله خلصت من خالد ....
احمد _ هواي ارتاحيت من جبتهه ارجع من شغلي الكا البيت نضيف وهدومي نضيفه وطابخه صح مرات تلعب نفسي من اكلاتهه بس من الجوع اسحك الماعون شنسوي اكول تتعلم مره فاهي مره مالح وعلى هذا المنوال جنت اتعمد ما ابقى بالبيت هواي اكول تأخذ راحتهه حسيت روحي تعودت على وجودهه ...
بيوم واكفه بالمطبخ وصاحتت طبيت عليهه لكيتهه مجروحه لازمه اصبعهه وتبجي تخبلت عليهه
احمد _ جيبي انضفلج الجرح لا يلتهب انطتني ايدهه
_ هاا هو هذا وخبصتينه بي جرح صغير وتبجين ضحكت واني اشده الهه بس صفنت على روحي شبيه كلبي رجف عليهه ولك احمد بس لا حبيتهه لا يأبه ويني ووين الحب ...
يوم عن يوم واني لا اراديا اراقب تصرفاتهه حبيته اي اعترف مرات اغالط روحي بس الحب مو بالكيف الحب يدخل الكلب بدون استاذان واخ من ناره لو شبت شيطفيهه ...
يمامه _ حسيت احمد تغير أحسه يراقبني من امشي ونضرات جريئه ضوجتني كمت قبل لا يجي أحضر كلشي وروح لغرفتي إلى أن يطلع يله اطلع من غرفتي حس عليه اجنبه
وفاجئني بطلبه
احمد _ يمامه اعذريني مو بيدي خلفت الوعد اني حبيتج واريدج على سنه الله ورسوله
يمامه _ بقيت ساكته مصدومه من طلبه
احمد _ وافقي حتى اجيب السيد يعقدلنه
يمامه _ موافقه
احمد _ ابتسمت بفرح وطلعت جبت السيد عقدلنه بس بالبدايه ما قبل لأن قاصر حجيتله قصتهه يله عقدلنه
يمامه _ تم العقد وزوجت احمد وعشت ويا احلى سنين عمري احمد كان نعم الزوج الوفي والمخلص ابد ما يوم غثني ولا يوم ضوجني الله رزقني ببنيه سميتهه رنده كانت روحي من الدنيا دللتهه هوايي ما اريدهه تعيش ماعاناتي ولا اريد اقصر عليهه بشئ مرت تسع سنين واني بين البيت وبين رنده عندي صديقتي دائما تجيني واروحلهه من احجيلهه البكلبي ارتاح وهي اصبرني ودكلي الله عوضج ذوله هم أهلج
وبيوم احمد راح لشغله واني ورنده بالبيت ندكت الباب ..
يمامه _ فتحت الباب وشوف ابوي خالد ... شجابك انت
خالد _ هيج يستقبلون ابوهم
يمامه _ سديت الباب بوجهه وسمعت صاح راجعلج .....
.
.
.
.
.
*******
الي مكتوبله التعب من الصغر عمره ما يرتاح شراح يسوي خالد بعد ما عرف مكان بنته وأحمد شنو موقفه راح تعرفو بالبارت القادم انتضروني بارت جديد 😘
