العشق سرا
#دلــيني..
ويـن #أتنفـسك
حتَــى #أعتنيلك رِيــــه.
عــازلك
بصَــدري #گـلـب
ومــگاسره #بــ حنـــيهَ ...
************
شاهين _ رجعت لديالى توجهت لاحسان وحجيتله الصار والشيخ ما يقبل ينطيني رنده
احسان _ هو هذا الصح... شاهين طلب الشيخ طبيعي
منو يزوج بنته لواحد اهله ما رايديهه
شاهين_ شبيهه رنده ويرفضوهه اهلي البنيه خلق وأخلاق لو بس اعرف ليش هيج امي شاده وياها وما تريدهه
احسان _ تحمل خويه شسوي عسى ولعل والله يهديهم عليهه وانت هم اضغط عليهم
شاهين _ أن شاء الله خويه اليوم هم احاول وياهم
عسى الله ويفرجهه وصير من نصيبي
وين الله وأبو الحسنين نذر عليه اذبح عجل بس الله يجمعنا بالحلال
احسان _ الله يصبرك يخويه ويسهلهه عليك ونخلص منك ....
شاهين _
رجعت للبيت بست راس امي ...
ها يالحبيبه مناويه تحننين على وليدج مو شيب كلبي وانتو ما حنيتو
كفايه _ اني هل بنيه ما احبهه وتدريني
لا تلح عليه البنات تارسات الدنيا ترس
هاي بت خالك ثقافه وجمال وحسب ونسب و واصله بالدراسه
واني رايدتهه الك ... مستحيل اخذلك وحده مثل رنده
امي هاي ما تناسبك ولاتنسى هاي طليقه اخوك
عوفهه وازوجك الاحسن منهه ...اني احجي لمصلحتك ابني
شاهين _ يووم احبه وعمري ما انساها ومستحيل اخذ غيرهه وخليهه بالج لو رنده لو ما ازوج ابقى اعزب العمر كله
كفايه _ اذا هيج الحجي عندي اتفاق وياك يرضيك ويرضيني
شاهين _ وهو
كفايه _ اروح وياك اني وابوك ونخطبلك رنده وزوجهه الك وبقيهه بالعماره يم الشيخ
بس بالمقابل....
ازوجك زينب بنت خالك وجيبهه هنا ابيتي
شاهين _ هاي شنو صدك تحجين انتي وكل عقلج رنده راح توافق
كفايه _ بدون متدري ازوجك بنت خالك وهي بالعماره انت لا جيبهه هنا خلي ترتبط بطفل وانت بعد احجي وياها وكلهه على زواجك بوكتهه هي متكدر اسوي شي خلي تزعل شكم شهر واول وتالي ترجع
شاهين _ اني ما عندي امكانيه اصرف على عائلتين
كفايه _ بنت اخويه اني اصرف عليهه وما اريد منك مصرف بس كفي عائلتك الي بالعمارة
شاهين _ ومنو كال زينب راح توافق شناقصهه وتقبل بواحد مزوج
كفايه _ بنت خالك تحبك صار سنين مو سنه وسنتين
