العشق سرا
صامتةٌ أنت..
فهل تدرين بأن يديك الصامتتين..
كتابا شعر؟
حافيةٌ أنت..
فهل تدرين بأن امرأةً حافية القدمين
تغير إيقاع التاريخ،
وتقلب خارطة الدنيا،
وتطيل العمر؟
- نزار قباني
************
رنده _ بعد ما شفت جدو عداي شلون يدافعلي
اذكرت بابا وحنيته عليه حمدت الله وشكرته ....
طلعت جبت عباتي بسرعه ...
رنده _ يله جدو لبست عباتي
عداي _ يله بنتي امشينه نروح ما أريدن تأخذين شي من غريضاتج اني اجيبنلج التحتاجينه
شاهين _ شيخ ما أوصيك عليهه بعد هاي العزيزه
واني تعنيتلك من ديالى للعماره ادور عليك لأن ادري بيهه مضلومه واني ما يهون عليه اشوف دمعتهه
عداي _ عمي صكد انت ازلمه وابن ابيك وافضالك دين بركبتي عمري ما انساها ...
امودعكم بالله عمي
شاهين _ هلا بيك شيخ زارتنه البركه
رنده _ رحت ويه الشيخ عداي لمحافظه ولبيت عمري ما شايفتهن
بس ما ادري ليش احس براحه نفسيه
لاول مره بعد موت ابوي احس بالامان
وصلنه بيت الشيخ استقبلتني مره جبيره بالعمر
عداي _ مررووه جتي بت الغاليه يمرروه عايني اعليهه تشبهه يمامه
مروه _ وجج هلاا يمةةة هلا يبعد كليبي
يارب لطفك ورحمتك هجي وجبرت بخاطرنه بعد كل هل سنين
رنده _ حضنتها وبجيت
الحضن الذكرني بحضن امي جنت محتاجته حيلل
مروه _ حبوبه عايني علي ...
ييمة شمالهن عيونج حمر
رنده _ بيبي تعبانه حييل ضلموني المايخافون من الله هواي اذوني
مروه _ ييمة عوينه ابيهم لو بيهم ذره شرف ما يبجون هل عيون
عداي _ عيفي البت ترتاح يمره وسويلهه لكيمه تسند رويحتهه بيهه عبنهه جايه من طريج بعيد
مروه _ اعله امرك شيخنا
احمد _ السلام عليكم
بوويه اليوم منهو الضيف
عداي _ بت اخيتك ...رنده
احمد _ هلا والله هلا بت الاخت شلون حالج حبيبه
انا خالج احمد
رنده _ هلا بيك خالو زوينه الحمد لله
جدوو ما عرفتني على ولدك شكد عندك
