اين انت يا منقذي
( ولا تحسبن الله غافلا عما يعمل الضالمون َ إنما يؤخرهم ليوم تشخص فيه الأبصار )
مقطع من الروايه
.
.
.
.
.
خالد _ استعجلي بنتي كفي عشاج من وكت وروحي بدلي اريدج تبرزين كل انوثتج وما اوصيج بعد بيضي وجهي لا تنسين الفلوس الدفعهن تكدر تعيشج احسن عيشه وطلعينه من فكرنه وذكري اذا حاولتي تمنعي لو تنهزمين بنتج بمكانج .
يمامه _ على امرك بويه
كملت وبدلت وطلعت قفلت الباب على رنده امشي جسم بلا روح امشي واحس بكل خطوه ندم امشي والدموع ما غابت لحضه من عيني وين اني وليش مكتوبلي اشوف كل هذا العذاب 'البنيه من تنضلم تركض لحضن ابوهه تحس بالأمان
واني اذا شفت ابوي اصيح الله يستر اااخ منك الله يشوفني بيك يوم الله يشلك وخلص من شرك وااخ يايمه ليا عذاب جبتيني وصلت للغرفه كعدت عل جربايه واني مصدومه معقوله يمامه ربيبه الشيخ عداي تروح للحرام لا مستحيل كوميي يمامه كومي انهزمي انتي وبنتج 'لا اذا شافني ابوي يذبح بنتي كدامي هذا ما عنده كلب بقيت بصراع نفسي الى أن نفتح الباب وشوفه دخل ويضحك باستهزاء
_ هاا ام الشرف مو كتلج بفلوسي اشتريج ......
يمامه _ اني يمامه خالد من سكنه ديالى قصتي حقيقه تمثل واقع جهل هواي آباء يعتبرون البنت عوره وهواي منهم يكولون البنت عار ( وإذا بشر أحدهم بالانثى ضل وجهه مسودا وهو كظيم )
اني الي غدر بيه زماني اني الي تبرو مني اهلي اني الي مالي حظ بهاي دنياي..
امي كانت مثال للمراه الصابره حسب الكلام الي سمعته من صديقه امي.. حبت أبويه وحاربت الكل حتى تزوجه بس شرط أهلهه اذا زوجته يتبرون منهه وعاندت وزوجته من يوم زواجها بعد ما سمعت خبر عن اهلهه بس للاسف خيب ضنهه تحملت هواي منه ورا ولادتي ماتت بجلطه قلبيه من قهرهه
ابوي الشيخ خالد بالنهار يلبس قناع العفه والشرف ويكضي الليل سكر ونسوان يحبس امي بالمطبخ ويجيب نسوان بغرفتهه .....
خالد _ كاعد ويه الشيوخ عدنه فصل واجانه طفل يركض شيخ خالد شييخ مررتك جااابت
طلعت واني الضحكه تاارسه وجهيي اكيد ولد اكيد شكرا يارب اجاني الي يشيل كبرتي وصلت للبيت بلهفه حمدديهه ويينه ويينه حبيب كلب أبوه
حمديه _ الف الحمد والشكر لله اجتنه بنيه دكول للكمر كوم حتى اكعد مكانك
خالدد _ شنووووو ولج والولد وينه
حمديه احمد ربك يخالد شبيهه البنيه
خالد _ اسمعي لج هاي البنيه ماتتربه بيتي لا والخلقج اذا بقت هنا ادفنهه ودفنج وراها
حمديه _ خاف الله بيهه يخالد وراك حساب وكتاب ..
*********
في مكان ثاني
عداي _ انا عداي ال ... شيخ من شيوخ العشيره من سكنه العماره عندي ثنين ولد والله ما طعمني غيرهم الف الحمد والشكر لله فرد يوم من الايام عزمني صديقي من ديالى على عشه رحنالهم العصر تعشينه وحلف ما اطلع اله ابات
