العشق سرا
للكاتبة فاطمة محمد
الجزء الرابع
.
.
.
.
و ارد مندوم
من کل صفنة بيك تحوم
ما ملچوم منك بس احس ملچوم
یحنضل شابگ الزردوم
یتمشه اعله عیني الخوف
يا تالي الليل سير حتى لو جيثوم
💜
*************
يمامه _ من سمعت تهديد ابوي لبست عباتي واخذت رنده وطلعت للكاع لكيت احمد هناك وحجيتله الصار ...
احمد _ لا تخافين اني يمج ما يكدر يسويلج شي أخذي بنتج ورجعي للبيت ما تأخر عليكم اليوم
يمامه _ رجعت بس الخوف سيطر عليه شلون ما اخاف وهذا واحد ما يخاف الله للمغرب اجه احمد وكتله لازم نشيل منا ما نبقى بهذا البيت بس ما قبل وكال لا تفتحيله الباب اذا رجع عوفي شيلي الخوف من بالج وكومي سويلنه عشه جعنه
كمت سويتلهم عشه ورنده كعدت تحجيله شسوت بمدرستهه وهو مكيف على حجيهه يكلهه من اشوفج كل التعب يروح دمعت عيني اذكرت ابوي عداي شكد جان يحبني ويدللني..
رنده _ اني رنده من سكنه ديالى ابوي احمد حيل طيب ويحبني شريد يسويلي يطلع من الصبح للشغل ويرجع المغرب مرات اروح للكاع يمه اساعده بس هو ما يقبل يخاف لا اتعب ؛ امي يمامه تحبني هواي وتخاف عليه من الهوا بس هواي اشوفهه صافنه لو دمعتهه على خدهه شنو السبب ما اعرف وكل متكعد ويه صديقتهه تكعد تبجي دائما اسالهه ليش تبجين دكلي من تكبرين راح تعرفين شبيه ومرات اسالهه عن اهلهه دكلي مسافرين... وبيوم كاعده اقرا ندكت الباب كمت فتحتهه وأشوف رجال جبير ..
رنده _ منوو انت
خالد _ هاااا انتي منوووو
_ اني رنده بنت احمد
_ هاا روحي صيحي امج
رنده _ اشو هذا من كتله بنت احمد صفن بوجهي... رحت صحت امي وطلعتله اسمعهه أصيح
يمامه _ شجابك انت مو كتلك عوفني بحالي
خالد _ اسمعي بنتي اطلكي من أحمد واني ازوجج ابن عمج
يمامه _ انت صدك تحجي شلون اطلك من رجلي
خالد _ اطلبي الطلاك وتعالي لبيتي لايصير شي ما يعجبج شمبقيج يم هذا الفكر بيت ماعندج
_ اني قابله بعيشتي والحمد لله والشكر انت بس عوفني بحالي اني مرتاحه بحياتي
خالد _ اني حذرتج اذا ما رجعتي احمد ما يسلم من شري
يمامه _ طردته وبقيت ابجي خفت على احمد منه رجع احمد وتوسلت بي نشوف غير بيت بس يرفض ويكول الكاتبه الله يصير ...
.
.
مر اسبوع والوضع طبيعي وبيوم تأخر احمد الضهر وهو مراجع انتضرته للعصر ما رجع للمغرب طلعت اشوفه وين رحت للكاع وشوف عالم ملتمه بيهه تقربت أكثر ونصدم باحمد غارك بدمه كمت الطم وصيح فقدت بعد ما احسيت بروحي فتحت عيني واني بالمستشفى كعدت أصيح وووينهةةة وين وديتو ما ميت جذب احمد ما يموت مستحيل يروح ويعوفني مستحيل يدري اتبهذل بدونه ووييينك يا عزيز كلبييي ووويينك على صوت صياحي التمن الممرضات الدكتور كتبلي ابره مهدئه بعد ما حسيت بشي
رنده _ امي تاخرت هواي بقيت لليل رحت لبيت صديقتهه لشويه واجه زوجهه وكال خلي البنيه يمج احمد مات وامهه بالمستشفى من سمعت بابا مات سالت عمه شنو مات كالت يعني سافر كعدت ابجي لأن احب بابا وما أريده يسافر سالت عمه على امي كالت تتاخر فرشتلي يمهه ونومتني الصبح كعدت كتلهه اريد اروح لمدرستي راحت جابت هدومي وبدلتلي ورحت للمدرسه هناك اسمع البنات يكولن خطيه ابوهه مات بس ما جنت اعرف شنو يعني مات وليش يكولون خطيه عمه كالت سافر وهو اليسافر يرجع عفتهن وكعدت اقرا ...
