العشق سرا
للكاتبة فاطمة محمد
الجزء التاسع
ضاعت اسنين العمر
بين حمد والريل
وبين الشيب بعجل
ومن عندي ضاع الحيل
لا حمد مر ابصبح
ولا ريله مر ابليل
ضاع الوفه من البشــــــــــــــــــــــــــر
ومتاني انا الريـــــــــــــــــــــــــــــــــــــــل
***********
شاهين _ رجعت للبيت بالتسعه بالليل وجايب وياي حلويات لرنده ادري بيهه متنام بالليل .... يوميه اجيبله شي وياي اشوفهه تفرح من اجيبلهه
اول مدخلت تلكاني ابوي
عماد _ هاي شنو بيدك
شاهين _ غراض لرنده
_ وانت يوميه جايب ومخلص فلوسك عليهه ..
بويه ميصير هيج اسوي لازم اشوفهه العين الحمره اذا تبقى زين وياها مراح تحترمك
_ يابه يا عين حمره رحمه لأهلك هاي يتيمه وما الهه غيرنه لا اصير انت والدنيا عليهه
_ لايغرك المضهر ذني ملعبات ... قاطعته
_ أن شاء الله يابه ... يله محتاج شي
_ ايي باجر روح لبغداد خالك خابرني عنده شغل وياك
_ تدلل انت وخالي باجر الصبح اطلع ... يله تصبح على خير
عفته وطلعت لغرفه رنده لكيتهه كاعده تبجي ... هااا سلامات
رنده _ شاهين مخنووكه حييل منضر امي وهي تحترك ميروح من بالي دقيقه تعبني هل منضر ...
_ الله يرحمهه ... شيلي هل افكار من بالج وباعي شجبتلج
_ ايي والله جيت بوكتك جووعانه ... تعال اكعد ناكل سوا
_ لاا ننزل بالحديقه نكعد ...
رنده _ سويت كعده بالحديقة ورتبت الحلويات بالصينيه ...
شاهين انت الوحيد الي تفهمني وتحس بيه اخاف بيوم تعوفني وتنساني اني ما الي أحد بهاي الدنيا غيرك ..
شاهين _ مستحيل اعوفج انتي صرتي جزء من روحي انتي اختي و صديقتي وبنتي وكلشي بالنسبه إليه ...
لا تخافين من شي واني موجود اني سندج وحزام ضهرج ...
وما اسمح لاحد ياذيج ولو بكلمه وحده ...
_ الله يحفظك وما يحرمنه منك ... بس سؤال محيرني
ليش لحد هسه ممزوج ..
شاهين _ ما احب هل سوالف احس اليزوج يرتبط مسؤؤليه وبيت ...وتبدي سوالف الى وين رايح و وين جنت خليني طير حر احسن
رنده _ ههه شلون تفكر انت والى متى شوكت راح تبنيلك وطن
شاهين بغمزه _ من الكه بنت الحلال ابني الوطن
