العشق سرا
للكاتبة فاطمة محمد
الجزء الثامن
هاي_وادم
أتباهت ... بثوب ...الوكاحه
وأحنه فوك أهدومنه أندور ستر...
***********
رنده _ موت امي صار كابوس عندي كل يوم افز مخنوكه
منضرهه وهي تحترك وتحاول اطفي بروحهه ميروح من بالي لحضه وحده
مرات انزل يم عمتي كفايه احاول الهي روحي باي شي حتى ما اذكر الصار
بس الليل شيخلصه الليل سجن عل فاكد عزيز ...
حياتي طبيعيه بيت عمو عماد الأجواء هدوووء
الكل حذر بكلامه وياي ويحاول يرضيني ويخفف عليه
استغربت وضعهم وتعاملهم وياي ...
الي سمعته فلوس كاع ابوي عمو عماد اخذهن كال انتي كاعده بيتي لازم تدفعين مصرف
متناقشت كتله براحتك ...
دائما بالليل اختنك ونزل اكعد بالحديقة مرات اشوف شاهين كاعد ونكعد نسولف يحجيله عن حياتهم شلونهه وطبعهم احب سوالفه أحسه حيل حنين وكلبه طيب
رنده _ شفت شاهين كاعد بالحديقة رحت طلعت ماعون فاكهه وكعدت يمه ... اييي شاهين شنو الاخبار
شاهين _ منيحه بشوفة هل ماعون
_ هااا وبشوفتي مو منيحه
شاهين بغمزه _ تخببل
_ هاا طالعه عينك
_ ههه ما احب الكذب
_ شاهين اريد منك طلب
_ اامري مو اطلبين
_ اريد اروح لصديقه ماما
_ وين صايره
_ جيران بيتنه القديم
_ وهو اني وين اعرف بيتكم القديم
_ هاا نسيييت. .... بشهربان ب.... انطيته العنوان بالضبط
_ بأجر تحضري اوديج
_ صدددك
_ ايي وداعت هل عيون
.
.
.
.
رنده _ وداني شاهين لصديقه ماما اول مشافتني
ركضت عليه حضنتني وبجت
_ ولج وين هل غيبه ليش رحتو ما سالتو ولا حتى انطيتو عنوانكم امج ووين ميته علييهه
رنده _ بجيت بحضنهه احس بيهه ريحه من امي من سالتني على امي زدت بالبجي
خااااله ماااتت امييي مماااااتتتت
_ يمةةة شدتحجين رنده انتتيي تخبللتي شللون مااتت
رنده _ كعدت احجيلهه معاناتهه ويه جدوو وشلون حركت روحهه تخبلت ساعه تبجي وساعه تلعن بجدو وساعه اصبر بيه ...
