العشق سرا
كل الذين اعترفنا لهم بأن الحياة كانت قاسية قَبلهم....
لم يقصروا في جعلها أشد قسوة..💔
ثم ماذا
تلاگينه وأگل لـ عيوني أشبعن شوف
خافنچن تعيلن بيه تالي ألليل
**********
رنده _ جدوو قافل ما يقبل يرجعني
وشاهر ما يقبل يطلك وعلكت بين الاثنين
اني ما عاقده محكمه بس سيد
لذالك ما نكدر نتجهه للقانون
جدو انطاهم عطوه اسبوع ورا الأسبوع ياخذ ازلامه ويهد عليهم
بس قبل الموعد بيوم غدر بينه شاهر ...
جايب جماعته ورمه بيت الشيخ عداي
مروه _ شييخ الحك نسبينه... الردي جايب جماعته الخاوات وهاد اعلينه ...
احمد ما تحمل أحد يهد على بيته
شلون يهد وهذا بيت الشيخ عداي
طالع متعارك وياهم مكادرلهم لأن هواي هم
كاتلي مكسري تكسر ودفرو على باب بيتهم ومنهزمين
عداي طالع يفزع شافهم نهزمو تلحك على ابنه ودا للمستشفى
طلع عنده رضوض برجله وأيده
معالجي وراجع للبيت
رنده _ طلعت اشوف احمد جايبي حالته تقهر الانذال مكسري تكسر
رحت عل شيخ عداي كعدت يمه وبجيت
جدووو رجعني لشاهر هذا مراح يخليكم ترتاحون
اني تعلمت عل قهر مو جديده عليه بس ما اريد احد يتاذه بسببي
كل الصار باحمد من ورايه ....
عداي _ افه مو شيخ عداي تخوفه الخرفان من تمعمع
عيفيهم بويه عوينه أصلهم لابو شاهر
أنا ردادهم أن ما وكفته عد حده ما اسمه عداي .....
رنده _
ثاني يوم وعل موعد اخذ ازلامه الشيخ عداي وراح لديالى
ترس مضيف عماد بزلامه .....
عداي _ الله بالخير عمي ...
وليدكم هد اعله بيتي هو وجماعته الخاوات
وكاتليني وليدي وهذا التقرير ....
عنده رضوض بايده ورجليه ...
وهاي بويه احنه ما نسكتلهه ونفصلكم بيهه
عماد _ يابه احنه ما ندري بولدنا من هد وما عدنه علم بالي صار
عداي _ هذا الشي ما يخصنه أن جان عدكم علم لو لاله
تدفعون الفصل لا نسويهه دموم وياكم
بيوت الناس مو لعبه عدكم وتهدون وكت ما يحلالكم
عماد _ بس عمي اني على كد حالي وماعندي مال فصول
يادوب معيش عائلتي ...
عداي _شنهوو بويه. ولونكم ماعدكم فصول عليش بويه تحطون روحكم بسوالف الهه اول ما الهه تالي....
الفصل غصبا اعليكم تفعو ولونكم ما تدفعون....الراح يجري ما يعجبكم
انا أريدن على كتلت ابني ورمي بيتي ١٥ مليون
عماد _ على كيفك ويانه شيخ احنه ناس على كد حالنه منين اجيبلك هل مبلغ
عداي _ ولونك تريد اطيحلك المبلغ خل ابنك يطلك رنده
والفصل طايح لجل هل وجوه الخيره .....
طلع عماد خابر على ابنه رزله عل سوا. كله عل مبلغ
ما قبل شاهر يطلك
ابو هدده يتبره منه اذا ما طلك ويطرده من البيت
خابرته سلوى ضغطت عليه و هددته اذا ما طلكهه تعوفه وتروح لبيت اهلها
ساعه ورجع شاهر قرر يطلكهه لأن ماعنده المبلغ يدفعه
اخذو للعماره رمه يمين الطلاق عليهه ورجع
رنده _ حييل فرحت من طلكني وخلصت منه
حضنت جدوو حيلل
شكرا يا احلى جد بالدنيا كلهه
عداي _جم رنده عندي أنه وما اخذلج حكج من ذوله الانذال
مروه _ اغديلك فدوه يربي ريحت كلب هل مسجينه
تعاي بنيتي لحضن حبوبتج افيييش يريحه يمامه بيج
.
.
.
.
رنده _ مر شهر عل طلاكي حياتي استقرت ومرتاحه حيل
لزمت عده حتى خالو احمد ما اشوفه لأن جدو كال ميصير تبطل العده مالتج
رغم مرتاحه بحياتي بس احس غصه بكلبي كل ما اذكر شاهين
تعلقت بي انكطعت أخباره وما شفته بعد
حيل اشتاقيتله الوحيد الواكف وياي تعودت على وجوده بجانبي
مرات افكر اسال جدو بس اتردد اكول خاف يفتهمهه بغير قصد
مره بكد ممشتاقه اله لا اراديا سالت جدو
رنده _ جدوو متعرف اخبار بيت عمو عماد
عداي _ منهوو منهم تكصدين
رنده _ كلهم
عداي _ ههههه انا اعرفن شنهو بكلبج يبنيتي انا موش غشيم اعله هجي سوالف......
بنيتي خل هاي ابالج الا الج الج ما يصبح لغيرج
يفتر يفتر والنصيب يرجعه اعليج ...
والبي خير يقدمه ربج ........
**************
