══════
[ المساء " الساعة الحادية عشر ]
الماء الهادئ في الوادي،هادئ لدرجة كتحسدو كفاش يقدر يكون هادئ في الليل و نتا هدوئك كينزف بدون ميلقى زمرة دمه عند المتبرعين باش ينقذ نفسو،واقفة على الجسر كتراقب الضلمة المنعكسة على سطح الماء، الموسيقى في وذنها، اغنية فيروز لياسمين ليفي، ما هي فيروز و كهرمان بحال بحال
كانت الكلمات كتعصف في أذنها بجرأة
•Dime,que es lo que sientes al ver
•أخبريني بماذا تشعرين الآن؟
غمضت عينيها و تكات بظهرها على حافة الجسر مخلية الريح تداعب شعرها
que los sueños se ban bebido tous años
•وقد اكتشفت أن احلامك أوهام،سرقت منك عمرك
السؤال هو واش كتاشفت ولا مزال غارقة في الأوهام غارقة سجينة بين أوتار كمانها القديم
•Llora,llora firuze,llora
•ابكي ابكي يا فيروز
•alors por tu Candor
•ابكي على سذاجتك
المصائب، لقائهم كان مصيبة ورا مصيبة كتخليهم يقولو بزاف بلا ميقربو ولا يخوضو حديث طويل
بين ما هي منسجمة مع الأغنية فوق الجسر
كان هو بدراجتو الهوائية كيمر من تماك،أكيد مكانش الموضوع عادي! الإله مكيعطيش غاع هاد الفرص للقاء ولكن الروائي كان كيعطيها...
هادشي ما قال في راسو و تبعت الفكرة ضحكة خشنة صدرت منو غيكون شي بائس في شي رواية غبية، كتكتبها على الأرجح أنثى غبية باش ترضي قرائها الرومانسيين و هو خاص يتصرف على هاد الأساس!
فاش كنفكر أنا و شنو هاد التخربيق!
يمكن انا لي وليت شاعر و روائي كيألف القصص.
نزل من على الدراجة و بقا غادي على رجليه حتى اقترب عندها سند دراجتو على الجسر
و دون كلمة حط ساعديه على الحافة كيراقب الماء و هي كتراقب الضفة الاخرى
ملي شافها الصباح كانت كتنتفض منو هاربة من قفصو و دابا كيلقاها خارجة كتعانق الظلمات لوحدها.
•Al recordar ;tu hermosura en flor
•حينما تتذكرين جمالك كالورد
•perso auquela flor,prendida en un zarzal
•لكن تلك الوردة ظلت بين الأشواك أسيرة
•perdió su olor, firuze
•حتى ذبلت رائحتها ،يا فيروز!
المغنية كانت كتنطق فيروز بشاعرية كبيرة كأنها كتخاطب كل فيروز داخل كل أنثى كهرمان كان داخلها فيروز، فيروز خضراء مغطية بغشاء الكهرمان
•Como aquel ruiseñor ,que el bosque enjauló
كمثل العندليب ، سجين الغابة.
•Quién va à oír su voz ,firuze?
•من سيقدر على سماع صوته يا فيروز؟
غمضت عينيها و حلتهم ببطئ كجواب
حتى واحد ميقدر يسمع صوت داك العندليب!
و هو سجين الأشجار الموحشة
حركت عيونها اتجاهه موجة برد حركت شعره خلات تنهيدة هاربة مع الحريق لي اندلع داخلها
•Lgual que un vendaval
كوني كالرياح العاتية
•un RÍo que va al mar
كنهر مجراه الى البحر
أنت تقرأ
وَقود و كهرمان
Romance⛔ في العواصف لازم بيتك لا تدري الى اي طريق ستعصف بك [الموت أو الحب] [إهداء] إلى تلك الحشرة السامة وسط كهرمان عقدي! ما استطعت أن اكسره و ازيلك. ما إستطعت أن أكسرني و ما إستطعت أن أحيى بسلام رفقتك ...
