══════
قال" بل الثماثيل أيضا تموت إن لم ننظر إليها
لقد رأيتها مرارا منكفئة على الأرض بأعين نصف مغلقة تنتظر
"لترى إن كان هناك من ينظر إليها،عندئذ ،تنهض واقفة. ••مقتبس••
▂❀▂
الضوء الأول ...
الضوء الثاني...
القاعة كتشعل بكاع الأنوار لي فيها
الثماثيل الهلنستية منكفئة على الأرض
شنو كتشوف عينيها!
"كهرمان"
الثمثال الأول كان كينهض من على الأرض
ثمثال النصر المجنح ثمثال كتمتد جناحين منو للوراء برأس مقطوع و قماش بحال آثار حركة البرد ربما كان الثمثال الثاني أفروديت ميلوس..
كانو ثماثيل أخرى كلها كتبادل معاهم النظرات
كان كل ثمثال في مكانه المخصص و كان مكان فارغ... مكان كان ليها تمشات ليه حتى وقفت و فجأة كانت أوصالها كتجمد قطعة أثرية رخامية عامرة شقوق و أضرار ....كانت معبرة.
▂▂▂▂▂
صوت ميساج كيوصل في هاتف نارفين كانت باقا فايقة مذعورة من الحادثة فتحت الهاتف لقات ميساجات من عند كهرمان كانو عبارة على فيديوهات ليها في الحمام..الحيط عامر دم
كترسم أشكال التحذير في الحيط ... الدماء كتسيل من ايديها و الموسيقى كتسمع منخفضة.
آهة مصدومة غادرت ثغر نارفين و رمات الهاتف برعب دقيقة وهي مصدومة غير رجعت هزت هاتف لقات فيديوهات تمسحو
فتحت الباب ببطئ و مشات عند كهرمان للغرفة
لقاتها جالسة فوق السرير ساهية
"نارفين"
غوتت نارفين بذعر خلات كهرمان تشوف فيها
"حلمت حلم في شكل .... حلمت راسي وسط شي قاعة كانو فيها بزاف الثماثيل كلها ،كلها عندها قصة و حكاية و انا كنت كنت منهم"
نطقت نارفين بوهن وخوف "كهرمان كتخلعيني"
"انا معرفتش مالي معرفتش كنت دخلت لحمام و خرجت لقيت هاد الجرح وهاد الدم معاقلة على والو من غير هاد فيديوهات لي صورت و اثار الجرح في ايدي الدم ديالي ولكن انا رجعت ملقيت والو"
نقطت نارفين "مستحيل"
مشات نارفين تأكد و الخوف واكل جذور قلبها أكل، فتحت باب الحمام ببطئ و مكانت كتلقى حتى نقطة دم ولا نقطة بحالا عمرو كان و كهرمان كتحلف أنها مغسلتوش ولكن الجرحة منين جات
دوزت نارفين الليلة فايقة مقابلة كهرمان و عقلها كيفكر كفاش وشنو واقع
▂▂▂▂▂
هي متأكدة أنها كانت قريبة! ولكن مزرباناش أبدا
غتسنى الدمى في الدكاكين حتى تباع، غتسنى الكلاب الضالة حتى تلقى مأوى ،غتسنى المصعد حتى يوقف، بإختصار مكانش كيزعجها تسنى بقدر ما كيزعجها عدم إكثراث لي كتسناه ولكن كنظن أنها ليوم غتخلى على هاد الفكرة هي غتصنع الإكثراث لنفسها بحدها...
ملايين الناس كتخلد للنوم... ملايين الناس كتفيق... كيدعيو قبل مينعسو ... فايقين لخداميهم ... الثلوج في الجبال كذوب
الآبار كتحفر ... الأزهار كتنمو
أيادي كتسقي النباتات...أيادي كتقطع الأشجار
عواء الذئاب في التلال ... ضياع الثعالب في الأودية... و إبتسامة قبل متغرق في سواد الليل مرة خرى
أنت تقرأ
وَقود و كهرمان
عاطفية⛔ في العواصف لازم بيتك لا تدري الى اي طريق ستعصف بك [الموت أو الحب] [إهداء] إلى تلك الحشرة السامة وسط كهرمان عقدي! ما استطعت أن اكسره و ازيلك. ما إستطعت أن أكسرني و ما إستطعت أن أحيى بسلام رفقتك ...
