وَقود و كهرمان

الجزء ⌠ 2 ⌡

『 وقــود و كــهرمــان 』
|•كتابة:ايمان قادري•|
══════
لا مرآة أوضحَ من البحر
لا حجرَ غير صوتي
إن صرختُ، هل سَيسعني ثقبُ صداي
هل ستخلعُ النهاية كعبها ••مقتبس
▂❀▂
03 /12/2017

فتحت عينيها على ضجيج المعازف من عند الجيران ناضت بتثاقل نحو باب الغرفة توجهت للمطبخ حاسة راسها كيفتل... حلقها ناشف شربت كاس الماء،شافت الساعة لقاتها الساعة الثانية ليلا توجهت لباب شقتها فتحتو شوية حتى صفعتها حدة المعازف أكثر و الضجيج و صوت الضحكات العالية كان واضح انه كينا شي حفلة
بحكم قرب شقتها لسطح العمارة كانت قادرة تفهم أن الحفلة حاضرين فيها غاع ناس العمارة و ربما حفلة خطوبة او زواج لواحد من السكان!
زفرت بحنق خبطت الباب و دخلت مشات اتجاه الغرفة طلت من الشرجم جاها الجو مناسب تخرج تمشى فيه دون تردد ولا خوف بدلت ثيابها المنزلية بسروال أسود و قميص أبيض مع معطف كاشمير رمات الشعرها الماهونجي بفوضوية فتاكة وراء ظهرها
القت نظرة على وجهها في المرآة قبل متخرج مسكت احمر شفاه و عدلت حمرة شفاها
حطت احمر الشفاه بقرب العقد لي تقطع في حادثة الصباح مشاو ايديها بضياع ليه كيتفقدوه و ذاكرتها كترجع تستحضر ومضات الموقف مع صاحب علوم اللغة عيونها عرفت محتوى الكتاب و لكن عقلها عجز يفهم كفاش مهتم باللِسانيات وقفت قربه نصف ساعة مسمعت منو حتى كلمة ولو كلمة!
▂▂▂▂▂
في حديقة المجمع السكني لي ساكن فيه جالس فوق مقعد في ليل سهادي لابس معطف و مغطي رأسو بطاقية... في ايديه زهرة لوز قطفها من شجرة كانت في الشارع كيداعب بياضها بإيديه... موجة هائجة من الرياح و صقيع البرد خلاو إيديه تجمد من الحركة محطوطة حداه مظلتو تحسبا للمطر حرك كفيه مع بعض باش يدفيهم شوية و ناض من بلاصتو باش يدخل لسكنو تابعو عمل طويل في الصباح!

آردو!

سمع إسمو من طرف الحارس الليلي تماك
تمشى لعندو و سلم عليه

الظاهر فقط ان الحارس كان باغي يتقرب منو كيف ما غاع سكان الإقامة حبا في الأخبار وحتى لا كان عندو شي منصب علاش لا ينفعو شي يوم
الحارس كان بحالو بحال أي شخص كيطمح لتحسين مستواه المعيشي في الحديث الخفيف لي دار بينهم تحجج آردو بالتعب قبل ميتحرك لمح جسد ملفوف بالأسود كيتحرك في الحديقة شعر في لون حمرة الغسق الشديدة كان كيداعبو البرد

" ديما كتخرج في هاد الوقت ماشي اسكتلندية بحالك!" نطق الحارس.

حرك آردو راسو في اتجاه الحارس باستغراب،
خلاه اشار ليها و كيهمس "هاديك البنت! كتشوف فيها"

ابتسم ليه آردو بلباقة و بعد منو غادي داخل اخر مرة قبل ميدخل مع الباب هز راسو في اتجاهها
ماشي هي اكيد!! مجرد شبه.
▂▂▂▂▂
3:30 🕰