متمرده ولكن عشقتها (الجزء الثالث من مجنونه حطمت غروري) بقلمي/فرحه

السابع عشر

دخلت مكتبها لتجلس برزانه ليرن هاتفها لترد: الو ي ماما.
الطرف الاخر: اي ي ملاك ي حبيبتي مرجعتيش ليه علي البيت.
لتقول لها بجمود: الطياره نزلت متأخر وعندي صفقه جديده ف الشركه ف روحت عالشركه علطول... اكيد الشنط وصلت البيت صح.
لتقول لها: اها ي حبيبتي وصلت... هتفضلي راكبه دماغك كده ي ملاك.
لتقول لها وهي تفتح الاسبيكر وتعمل علي حاسوبها: راكبه دماغي ازاي.
لتقول لها بحزن: انتي فاهمه قصدي ي ملاك من بعد موت سليم..
لتقاطعها قائله: لوسمحتي قفلي السيره لوسمحتي.
لتقول لها بغضب: طيب ي ملاك لو مرجعتيش القصر دلوقتي انسي انك ليكي ام.
لتقول لها بغضب: حاضر ي ماما هرجع سلام.
لتقول لها: استني وانتي راجعه تعدي علي فيروز تجبيها هي هتخرج من الكورس دلوقتي.
لتقول لها وهي تقف وتغلق الحاسوب: ويوسف ملوش لازمه ولا اي.
لتقول لها: اتعدلي ف الكلام معايا ي ملاك انا امك ويوسف عندو شغل ف الجونه هينزل بكره.
لتقول لها بعدم اكتراث: حاضر حاجه تاني.
لتقول لها: لا سلام.
ثم تغلق معها وتتجه للخارج قائله للسكرتير: اقفل ملف الصفقه انا راجعه بكره.
ثم تذهب دون انتظار رد......

______________________

بالقصر.....

كانت جالسه شارده لتشعر بيد ما فوق كتفها وصوت يقول: قاعده لوحدك لي ي حبيبتي.
لتقول له بطمأنينه: زين... مفيش بفكر شويه.
ليقول لها وهو يضمها اليه: وياترا ف اي بقا..
لتقول له: هيكون مين غيرها... من بعد وفاه سليم قولت هتعدي وهتقوم هي وشروق.. شروق فاقت شويه وهي اتحولت مليون درجه.
ليقول لها بتوتر: متقلقيش هي هترجع وهتكلم معاها وانا مش سايبها ف كل حته حاطتلها حراسه.
لتقول له بتنهيده: يارب ي حبيبي يارب ملاك تفوق بس.
ليقول مغيرا للموضوع: طب اي قومي يلا اطلعي لشروق وتيا والبنات فوق عشان تكملو اخر تحضيرات عشان الفرح.
لتقول له وهي تبتسم: يااا مش مصدقه ان بعد خمس ايام فرح ليا ومالك.... ثم تكمل بحزن: كان نفسي يكون سليم وملاك كمان.
ليقول لها بتوتر يداريه: ي حبيبتي الله يرحمو يلا روحي معاهم ولما ملاك وفيروز يوصلو هطلعلك فيروز وهتكلم مع ملاك.
لتقول له وهي تقبله وتقف: ماشي ي حبيبي.
لتذهب هي ويظل هو شارد ثم يتنهد قائلا: ربنا يستر.

___________________

وبمكان اخر وبالتحديد باريس بمقر شركه رولز سكيب..

كان يجلس وبيده قلمه ينظر للملف الذي بيده ليعدل من وضيعة نظارته الطبيه ويكمل قرائه بتمعن.. لتدخل عليه المكتب فتاه شقراء قائله: Do you miss me??
ليرفع انظاره ويقول بجمود وهو يكمل قرائه: اممم اقعدي ي لونا.
لتجلس وتخلع نظارتها الشمسيه قائله: خلصتلك ورقك والطياره بكره علي مصر.
ليقول لها بهدوء: وم..
لتلحقه قبل ان يكمل بضحكه: مش تقلق هي كويسه بس بقت نرفوزه شوية.
ليقول لها وهو يقف يشرد امام النافذه: بقالي سنتين مشوفتهاش ولا لمحتها ي لونا.
لتقول له بطيبه: وحشتك؟
ليقول لها بوجع: وحشتني بس ده انا هموت والمحها بس عارف ان المواجهه هتكون صعبه بس كفايه اني هشوفها.
لتقول له لونا بشفقه: قول الحمدلله اننا خلصنا من عاصي وحلينا الموضوع لو مكانش اللي هناك كملو ف الموضوع كان زمان الفتره طولت اكتر.
ليقول لها بتنهيده: الحمدلله ي لونا... وربنا يستر من اللي هيحصل في الفرح.
لتقول له بإبتسامة: متقلقش ي سليم واتفضل يلا اعزمني عشان انا جعانه.
ليقول لها بإبتسامة اخوه: يلا بينا يستي.
.
______________________