متمرده ولكن عشقتها (الجزء الثالث من مجنونه حطمت غروري) بقلمي/فرحه

الخاتمه♥

طبعا عارفه اني كنت بتأخر كتير ف الروايه دي بس كنت ثانويه عامه والحمد لله نجحت والنهارده بكتب اخر بارت ف الروايه دي الروايه دي من اولى ثانوي وانا بكتب فيها حقيقي مرت معايا بحاجات كتير اوي اتمنا تعجبكم حقيقي وهي تجربه اولى واكيد مليانه بالغلطات ومش مشهوره اوي بس ال60الف اللي شافوها اتمنا تعجبهم حقيقي وشكرا❤

_______♕________♕_______

صباح يوم جديد الكل علي قدم وساق ف اليوم حفل زفاف ثلاث امراء علي ثلاث اميرات.. ❤

_اي رأيك ي زين بيه دلوقتي انا ثبتها تمام..
ليرد قائلا وهو يتصفح هاتفه: تمام ي عم رجب اهم حاجه عندي تكون ظبطها كويس والا ده هيكلفك كتير اوي وانا واثق ف شغلك.
ليقول عم رجب: متقلقش ي باشا كله ف السليم.
ليقول زين وهو يغلق هاتفه ويصافح العامل ببشاشه: تمام ي عم رجب حسابك هيتبعتلك علطول إن شاءلله.
ليشكره العم رجب ويذهب الي وجهته..

____________________
_اي ي حبيبي الترتيبات خلصت تحت.
_اها ي حببتي خلصت ومراد واشرف معايا اهم.
لترد عليه: اي ده ابو كنان مجاش.
ليقول بإنشغال: لاا ي حبيبي انا ومراد واشرف بنجهز عادي المهم العرايس الحلوين بتوعنا... ايوه ي مراد قولو يحطها هنا.
لتقول: خلاص ماشي ي حبيبي هقفل انا عشان تخلصو فاضل كتير ولا اي..
ليقول: لا ي حببتي اخر لمسات كده مفاجأت كمان مننا.
لتقول: ماشي ي روحي هقفل انا بقا.
ليقول لها بهمس: علفكره.. بحبك ي فرحتي.
لتقول له بضحك خجول: بحبك ي زيني.
لتغلق معه وتلتف لتقابل بوجهها صديقة عمرها.
لتقول: شروووق خضتني حرام عليكي.
لتقول بضحك: حب اي ي ام العروسه دلوقتي.
لتقول لها بضحك: ومالو لما ام العروسه تحب هنسيب الحب لام العريس بس ولا اي.
لتقول لها بضحك: طيب يلا يختي الميكب ارتيست جت والبنات جهزو.
لتقول لها بتنهيده مبتسمه: يااا ي شيري كبرنا... مين يصدق اننا البنتين اللي فاتحين مكتب ترجمه وبيتعاقدو مع شركه زين ومراد بقينا حرم زين ومراد والنهارده فرح عيالنا.
لتقول لها وهي تشرد: يااا ومين سمعك مرينا بكتير كتييير اوي حوادث ومصايب وكوارث بس فضلنا واستمرينا الوقت عدا بسرعه اوي اول مره احس بكده.
لتقول لها وهي تربط علي كتفها بابتسامه:  الحمدلله علي نعمه الدوام يلا بينا نخش للبنات عشان نبقا جمبهم.
لتقول لها بابتسامه: يلا بينا...

___________________________

بمكان اخر...
جلس قائل: يااا ي شباب اخر يوم ف العزوبيه.
ليقول له بضحك: اخر يوم اي يابا انت كاتب الكتاب ومعلي الجواب.
ليقول له: صح اي الغباء ده.
ليقول الاخر: منتا زيو يعم سليم.
ليقول سليم: يعني انت اللي عكسنا ي كنان منتا واقع.
ليقول عز: انا بقا اللي لسه موقعتش وهقع قريب إن شاءلله مع كنوزه حببتي.
ليقول كنان بتمثيل الجديه: انسا اختي مش هتتجوزك.
ليقول عز الدين: والله ي كنان اخطفها ولا الجن الازرق يعرفلها حته انا بقولك اهو.
ليقول مالك بضحك: كنان متهزرش معاه ده مجنون ويعملها والله اخويا وعارفه.
ليرن هاتف مالك ليرد قائلا: اي ي بوب لا احنا خلصنا لسه قاعدين شويه وهنقوم نلبس البدل بقا.... مهو بتاع السيشن مش غريب يعني ده يوسف.. لا لسه كلمتو قالي نصايه وجاي انا مستنيه انا والشباب... تمام ي بوب اول ما ييجي هنلبس.... اوكي تشاو ي حبيبي.
ليغلق معه ليقول سليم: رن بقا علي سي يوسف اللي قال من ساعتين ان نصايه وجاي ي كداب.
ليقول مالك: عايز توقعني ف غلط مع الحج ي سولم ولا اي اتقي الله يجدع.
ليقاطعهم صوت الباب ليقول مالك بضحك: انا ربنا نصرني يوسف جيه.
ليفتح عز الباب ليقول: ي شباب ده الدليفري.
ليقول سليم بضحك: يلا ي اهبل رن علي يوسف يلا ده يوسف انت مش عارف يوووسف ده ممكن يجيلك بكره.
ليمسك مالك هاتفو بغيظ ويرن عليه قائلا: انت فين ي حيوان.
_______________________