شعرت بالدماء تهرب من جسدها وهي ترى صدمة والدتها ،لم تتمكن حتى من أن تنطق بحرف فنكست رأسها ودموعها أخذت مجراها علي وجنتيها الحمراوين بينما تنهد هو ثم قال:
-ممكن ندخل ونتكلم جوا عشان نعرف نتفاهم
استفاقت والدتها من صدمتها ولكن قبل ان تخرج الكلمات من فاهه قاطعها صوت والد كاميليا وهو يتقدم ناحية الباب ويقول:
-مين اللي جي في وقت زي ده؟
لم تتمكن من إجابته فأفسحت له المجال كي يرى كاميليا التي لم تتمكن من رفع رأسها لمواجهته لكن قبل ان يصرخ بوجهها قاطعه إياد قائلاً من بين أسنانه:
-ندخل وهفهمكوا كل حاجه بس مش لازم مقدمة الزعيق اللي ملهاش لازمه دي
قال بغضب:
-وأنت مين بقى عشان التناكه دي كلها؟
أجابه وهو يدفعه بعيداً عن الباب كي يدخل وهو يمسك بيد كاميليا:
-لسه قايل للمدام
لحق به والد كاميليا وهو يصرخ:
-هو انت داخل زريبه؟
جلس علي احدى الكراسي وسحب كاميليا كي تجلس علي الكرسي الذي إلي جانبه ثم قال وهو ينظر لـ والدها:
-ممكن تتفضل تقعد عشان نتكلم كأتنين رجاله عاقلين
لم يعيره انتباهه بل نظر لأبنته ثم قال بغضب:
-فهميني اللي بيحصل حالاً احسنلك وإلا...
قاطعه إياد وهو يبتسم باقتضابك:
-اسكت وأسمعني وإلا هفتح ملف قضية الإختلاس بتاعتك اللي انا وانت عارفين كويس خرجت منها إزاي رغم انها صح
-انت بتهددني!
نهض من مكانه بهيبته ثم قال:
-عيب ما تقولش كده...ده احنا هنبقى أهل
اتسعت عيني كلاً من كاميليا ووالدتها اللتان كانا يراقبان ما يحدث في صمت بينما قهقه هو بسخرية ثم قال:
-لا والله
قال برسمية:
-بص انا هقصر عليك المسافات يعني بدل ما تحصل الدرما اللي بتحصل في كل مسلسل لما اب يكتشف اني بنته حامل وهي مش متجوزه
اردف وهو يقلص المسافة التي بينهما:
-انا جي أصلح غلطتي وطالب أيد بنت حضرتك...هنتجوز انا وهي علي الضيق لحد ما تولد وبعدين هعملها فرح محصلش
أنت تقرأ
راقصة البالية
Romance♪المقدمة الحياة...ما هي الحياة بالنسبة لكلاً منا؟! اصدقاء عائلة حزن سعادة حب حُلم ربما الإجابة هي كل ما سبق بالنسبة للبعض لكن هناك القليل ممن يظنون أن الحياة قائمة علي حُلمهم فحسب وهذا خطأ كبير. حسناً لا تنظرون لي هكذا ،أعلم أن الأحلام مهمة وهي ما ي...
