Date ~~
ဟိုတယ်ခန်းသုံးမွေ့ယာဖြူလွလွလေးအပေါ် စောင်ထူထူဖြူဖြူအိအိကြီးထဲဘေးတစ်စောင်းလိမ့်ဝင်နေပြီး ပွတ်သပ်တိုးဝှေ့နေဆဲ လူသားလေးတစ်ဦး..ထိုစဥ်မွေ့ယာဘေးက စားပွဲလေးပေါ်မှနေ နှိုးစက်တီးလုံးသံတစ်ခုက တစ်စိုးတစ်စထွက်ကျလာလေသည်။
သို့ပေမယ့်စောင်ဖြူဖြူလေးထဲက လူသားဖြူဖြူဥဥလေးကနိုးထမလာသေးပဲ လက်ဖြူဖြူသွယ်သွယ်လေးကသာတစ်စိုးတစ်စထွက်ပေါ်လာပြီးစားပွဲပေါ်ကနှိုးစက်လေးကိုအလျင်အမြန်ပိတ်ချနေလေရဲ့။သို့တိုင်အောင် သူကဆက်အိပ်လို့မရခဲ့ပေ။အကြောင်းအရင်းကတော့ သူ့ဖုန်းကဆက်တိုက်ထွက်ပေါ်လာတဲ့ ဖုန်းအဝင်ကောလ်တုန်ခါမှုအချို့ကြောင့်ဖြစ်တယ်။စောင်ပြင်ရောက်နေတဲ့လက်ဖြူဖြူသွယ်သွယ်လေးက ဖုန်းစီသို့ရောက်အောင်လက်လှမ်းလိုက်ပြီးသကာလလှမ်းယူလို့စောင်ပုံလေးထဲအိပ်နေဆဲသူ့နားမှာကပ်ထားမိလိုက်သည်။
" ဟယ်လို~~ "
သေချာပေါက်သူ့အသံကတစ်ဖက်လူကြားလိုက်သည်နှင့် တစ်ဖက်ကလူကသူ့ကိုအခုထိအိပ်နေဆဲ၊အိပ်ချင်နေဆဲ၊အိပ်ချင်မူးတူးအသံဆိုတာသိသာလောက်သည်အထိ သူ့အသံကအက်ကွဲနေပါလိမ့်မည်။
" သည်းငယ် အိပ်နေတုန်းလား.."
" အင်း..အိပ်ချင်နေသေးတယ်.."
" မနေ့က ရှုတင်ညနက်လို့လား! "
အမှန်အတိုင်းပြောရရင်မနေ့ကရှုတင်ကမနက်အစော၂နာရီအထိအပြီးသတ်ရိုက်ကူးလိုက်ရသည်။သူက ဒီနေ့နားရက်ယူချင်သောကြောင့်သူရိုက်ရမယ့် ဇာတ်ကွက်အချို့ကိုအပြီးသတ်ရိုက်ကူးခဲ့သောကြောင့်ဖြစ်သည်။
" သိပ်မနက်ပါဘူး "
" ဒါဆို ထတော့လေ! ကိုယ် အဲ့ကိုလာခေါ်ပေးရမလား သည်းငယ်! "
" လာမခေါ်ပါနဲ့ ရတယ်၊အဲ့မှာပဲစောင့်နေပေးလေ၊ဂျာကြီးကို လိုက်ပို့ခိုင်းလိုက်မယ် "
" ဂျာကြီးကို ကားဖြေးဖြေးမောင်းခိုင်းအုန်းနော်၊သည်းငယ် ! "
" ဟုတ် "
" ကားပေါ်ရောက်ရင် ဘာကိုအရင်ဆုံးလုပ်ရမယ်? "
VOUS LISEZ
မြတ်နိုးရာ အချစ် { ChanSoo One Shots }
Roman d'amourChanSoo One Shots Collection 💛 Park ChanYeol & Doh Kyung Soo #cover by mayalinkar❣️
