امامي وقدوتي "نوفيلا" "مكتملة"

البارت العاشر.

نوڤيلا
امامي وقدوتي
بقلمي✍️⁩ هبة الله hebatallaaah

✨♥️✨_____________✨♥️✨

نعمة بإنفعال .. يعني اي الكلام ده، ! انت جاي بعد كل اللي حصلنا بسببك تقولي انا اسف واقبلي اعتذاري و أوافق على جواز بنتي أنا من ابنك انت الفاشل صهيب ليه إن شاء الله عن بنتي ما اتجوزت_خليها جنبي أنا مش عيزاها تتبهدل مع ابنك و تتمرمط معـ....

صلاح بمقاطعة قال بصياح .. اسمعيني الاول للاخر وبعدين احكمي عليا _ حياة خديجة في خطر سامر ظهر واكيد علا
وراه كالعادة وانتي طبعًا عارفة يعني اي تظهر علا في حياتك من تاني ولا تكوني عايزة تشوفي بنتك بتتدمر قدام عينك انتي مش عارفة تحميها منهم

نظرت له بوجهٍ محتقن من صدمتها، بحزن شديد تتذكر كل ما حدث لها من تلك حرباء العقرب، جلست على المقعد
بكل ثقلها تطالعه بترقبٍ ثم قالت بخوفٍ شديد على ابنتها .. والعمل إيه دلوقتي ؟ أرجوك احمي بنتي أنا مش هقدر اقف قصادهم لوحدي
دنى منها صلاح ولكن بتحفظ بين المسافة بينهما قائلاً برجاء .. وعشان خاطر خديجة اقبلي جوازها من صهيب هو ابني الكبير ولا حتى جمال بلاش صهيب جمال متدين زيها_المهم انكم تفضلوا معايا في الفلا او حتى اشتري ليكم فلا تليق بمقامكم
ارجوكي خليني ارد جميل جوزك عليا
وانا اوعدك همضي خديجة على أوراق تثبت كل أملاكها في الشركة وهكتب كل حاجة اخدتها من محمد ليكم _ ارجوكي وافقي حياتها وحياتكم في خطر

نعمة ببكاء .. سامر كان هنا قبلك، انا خايفة كتيير على بنتي
صلاح بصدمة .. سامر كان هنا ! ده كده ممكن ياذيكم كلكم
نعمة .. موافقة، موافقة على جواز بنتي
من ابنك
صلاح بتأكيد .. من النهاردة انا هخلي حراسة مشددة على بيتكم وعلى بنتك
وانتي ارجوكي اوعي تتكلمي مع خديجة عني واننا كنا نعرف بعض من زمان
وانا في الوقت المناسب هعترف ليها بكل حاجة_وهي لو وافقت هكتب كتابها على
ابني وساعتها هيبقى ليكم الحق انكم تعيشوا معانا في نفس البيت

✨♥️✨_____________✨♥️✨

صهيب ببسمة مريبة .. مبروك ي دوجي
نظرت له خديجة بخجل قائلة .. الله يبارك فيك
ولكنها لم تلاحظ نظرات الحقد المتواجدة بعيناه لها _ رأهما جمال يقفان منفردين فتوجه نحوهما قائلاً بفرحة .. اي ياخويا مش هتبارك ليا أنا كمان ولا إيه !
نظر له صهيب مبتسم ثم بارك له ومن ثم
توجه نحو طاولة المشاريب ليأخذ منها كوب عصير منها
تحمحم جمال بحرج ثم قال بصدق .. إحنا طبعًا من النهاردة بقينا مقربين من بعض وياريت بلاش تخبي عني لو كنتي محتاجة اي حاجة او اي شىء يضايقك

خديجة بتوتر .. متشكرة يا استاذ جمال

جمال بحزن مصتنع .. استاذ، تؤتؤتؤء احنا خلاص بقينا عيلة واحدة