امامي وقدوتي "نوفيلا" "مكتملة"

البارت الخامس عشر

نوڤيلا
امامي وقدوتي
بقلمي✍️⁩ هبة الله hebatallaaah

✨♥️✨_____________✨♥️✨

ركض سامر بلهفة نحو صهيب وجمال حين أتيا قائلًا بأمل .. هااا لقيتوها ! عرفتوا اي حاجة عنها ؟؟؟..

جلس صهيب بيأس متألما .. لا مفيش ليها اي اثر
اكمل جمال بحزن .. حتى البلاغ اللي جالنا بأنهم لقيوها طلعت مش هي خالص

سارة بدموع .. على الاقل احنا كدا عارفين إنها عايشة بس بمكان بعيد

امسك سامر صهيب من ياقته قائلًا بتهديد وصياح .. اتصرف انت بقى زي ماضيعتها مننا؛ انت السبب، انا كنت دايما براقبها وافضل وراها عشان احميها واعرف مكانها بس انت اللي فهمت مشاعري ليها وخوفي عليها غلط
ثم لكمه بقوة، لكمة جلعت صهيب يترنح قليلا .....

وقف صهيب من بعد ان توازن ثم قال بحزن شديد وقهر .. اضرب، اضربني ياسامر عشان انا حيوان اني سبتها تضيع مني واتهمتها في شرفها رغم اني عارف و واثق منها إن اللي في بطنها ابني مش ابن حد تاني

جمال بصياح .. باااااسس اخرصوا بقى
خديجة غايبة عننا من سبع شهور ومامتها لسة بتتعالج من صدمتها وبابا بيعاتب نفسه وشايل الذنب عشان اخفى عنها الحقيقة وكمان عمر وعثمان من وقت اختفاء اختهم وهما رافضين يشوفوك ياصهيب أنت تحديدًا

صهيب بإنهيار .. وأنا يعني اي اللي عرفني ان بابا طلب مني اني اتجوزها بأسرع وقت عشان الحقيقة اللي خباهاا عننا ؟! وانا اي اللي عرفني إنها هتهرب والاهم من ده إيه اللي عرفني ان سامر توأمها واذا كان هو نفسه مكانش يعرف إنه توأمها

صاح به سامر بحرقة شديدة .. وانت تعرف إني لو كنت انا اعرف اني توأمها وانها اختي مكنتش سمحت ليك ولا للشيطانه علا إنها تقرب منها، ثم قال بإنهيار وببكاء .. انت تعرف اي عن احساس انك تتربى بعيد عن عيلتك الحقيقة و وحدة اقل ما يقال عنها شريرة تربيك على اساس انك ابنها وتربي الكره والحقد في قلبك تجاه عيلتك الحقيقة وتخليك تقتل ابوك بإيدك هااااا، تعرف اي عن احساسي دلوقتي !؟؟؟ انت اللي حاسس بيه ميجيش ذرة واحدة باللي في قلبي ... انا شايف امي فوق نامية وهي مش عارفه اني ابنها تعرف اي عن السكاكين اللي بتقطع قلبي دلوقتي
ثم اخذ عكازتيه وصعد لغرفت اخويه
اللذان عندما رأياه ركضا مسرعين نحوه
يضماه والصمت يعم الأرجاء ثم نام هو بالمنتصف على فراش عمر وهما حوله يضم الثلاثة بعضهم البعض ....

نظر سامر للسقف ثم شرد بذهنه حين أتاه اتصال حين كانت خديجة بالمشفى يقول له .. انا علا ياسامر لو عايز تنفذ حياة صهيب تعالى البيت حالا

✨flash back✨

وما إن دلف المنزل حتى صاح بأعلى صوته عليها ولكنه سرعان ماشعر بضربة قوية خلف ركبتيه جعلته يركع على ركبتيه متألمااا ومن ثم على مؤخرة رأسه جعلته يفقد وعيه فى الحال _فاق فوجد نفسه جالس على كرسي مقيد بإحكام، حاول الافلات مرارًا من تلك القيود ثم توقف ليأخذ انفاسه بصعوبة
ولكنه سمع صوت يقول له .. متحولش مش هتقدر تهرب هنا الحراسة الأمنية مشددة
نظر بجانبه إذ أنه صهيب حاله لا يقل عن حاله عادا ان ملابس صهيب ممزقة يبدوا أنه نال ضربًا مبرحا على كامل جسده
ليقول سامر .. انت اي اللي جابك هنا ؟