امامي وقدوتي "نوفيلا" "مكتملة"

البارت الثالث. اول يوم عمل و اول لقاء بعد..

نوڤيلا
امامي وقدوتي
بقلمى⁦✍️⁩ هبة الله hebatallaaah

✨♥️✨_____________✨♥️✨

بعد ان انتهي جمال من عمله و صلي فرده في المسجد عاد الي منزله حيث كان مرهقاً جداً يريد اخذ قسطاً من الراحة _ عندما كان متوجهاً الي غرفته بالاعلى أوقفه صوت نداء والده ....

صلاح .. جمااال عايز اتكلم معاك من فضلك
تقدم جمال بإبتسامة نحوه ثم قبل جبهته قائلاً .. محتاج حاجة مني ياوالدي
صلاح .. عملت اى مع المهندسين اللي اتقدموا للوظيفة في الشركة

جمال بنعاس .. خير إن شاء الله يابابا عايزك ترتاح انا اختارت بنفسي احسن عشرين مهندس و مهندسه و بكرة إن شاء الله تعالى هيكون اول تجمع ليهم فور استلام الوظيفة و بعد كده هاخدهم بأتوبيس خاص بالشركة لموقع تنفيذ مشروع الفندق السياحي المطلوب من الشركة تنفيذه ثم تثائب من كثرة ارهاقه

صلاح ببسمة .. ربنا يباركلي فيك ويجعل صهيب زيك كده _ روح ارتاح دلوقتى عشان تقدر تروح شغلك
جمال بعيون تكاد ان تغلق قال بإرهاقاً وبتعب شديد .. تصبح على خير يابابا ثم صعد الي غرفته بالاعلى وبدل ثيابه ثم نام على الفور

بينما صلاح كان يجلس في مكتبه شارداً الذهن مستنداً بظهره على المقعد ناظراً الي صورة رجلاً بأسف و حزن
ثم قال بخيب أمل من نفسه .. سامحني ياصحبي و صديقي _ انت سبت ليا أمانة غالية عليك بس انا مصنتش الأمانة دي ولا صنت عشرتك و فضلك عليا انا اسف ياريتك كنت موجود معايا دلوقتي
انت صاحب الفضل عليا من بعد ربنا
في الثراء اللي انا فيه _ ربنا يرحمك ياغالي
وما إن انتهي من حديثه حتي سمع صوت ابنه صهيب فمسح دموعه بسرعة
ثم خبأ صورة ذلك الرجل في درج مكتبه الخاص مغلقاً عليها بإحكام ثم خرج من المكتب فوجد صهيب كعادته ثملاً ممسكاً بزجاجة النبيذ يشرب منها بشراهة وهو يترنح بحالة يرثي لها

صلاح بغضب .. صهييييب انت امتي هتبطل اللي انت بتعمله ده _ يابني حرام عليك نفسك و صحتك فوووق بقي

صهيب بدون وعي .. هي السبب البنت بتاعت الصبح اللي كانت واقفة في نص الطريق كانت وش نحس عليا بوظت ليا يومي كله ثم اكمل بضحك ساخراً منه والده .. ههههه انت كنت بتبكي ياصلاح
هههههه معلش ياخويا خد اشرب خمرة هتخفف عنك همك

ما ان قال ذلك صهيب حتي تلقي صفعة قوية على وجهه من قبل والده الغاضب منه جعلت وجهه يلف للجهة الاخري قائلاً بغضب شديد .. فووووق لنفسك وبكرة لما تفوق من السكر اللي فيه ده ليا كلام تاني معاك _ ثم تركه بمفرده وصعد صلاح الي غرفته الخاصة لا يعرف كيف يتعامل مع ابنه ذلك كي يصبح مسؤول قليلاً عن نفسه و يتحمل مسؤولية

بينما صهيب كان ينظر الي والده بصدمه وهو ممسكاً بقوة بزجاجة النبيذ واليد الاخري يضع كفه موضع الصفعة
ثم قال بضحك .. هههه انت بتضربني يصلاح معلش بكرة انا اضربك ههههه
ثم شرب اخر ما تبقي من النبيذ ثم ألقي بالزجاجة ارضاً يمسح فمه بملابسه اثناء صعوده الي غرفته وهو يترنح و يغني