(Uni)
"ကော ဆက်ဆက်လာခဲ့ရမယ်နော်"
အိတ်ထဲမှဖိတ်စာတစ်စောင်ကိုထုတ်ပေးလာသည့်အားမိန်သည် လာခဲ့ပါဆိုသည့်စကားကိုသာတတွတ်တွတ်ပြောနေသည်။
မောင်ခန့်ညားဟိန်းနှင့်မနှင်းပွင့်ဖြူတို့၏မင်္ဂလာဧည့်ခံပွဲဟုရေးထိုးထားသည့်စာသားများဟာ ဖိတ်စာထိပ်တည့်တည့်မှာခပ်ကြီးကြီးနေရာယူထားသည်။
"ကောဖြစ်အောင်လာခဲ့ပါ့မယ်"
အားမိန်ကိုကြည့်ရင်း ဝမ်းနည်းဝမ်းသာဖြစ်သွားရခြင်းက သူတို့ရဲ့ခင်မင်မှုသံယောဇဉ်ကြောင့်ဖြစ်နိုင်ပါသည်။
"ကောင်လေးကဘယ်ကလဲ"
"လားရှိုးကလေ။သူလည်းဒီမှာအလုပ်လာလုပ်တာ။အဲ့တာနဲ့ပဲတွေ့ကြရင်းကြိုက်ကြတာပေါ့..ဟီးး"
ချစ်စဖွယ်ရယ်ပြလာသည့်မိန်းကလေးဟာ တော်တော်ငယ်သေးသည့်မိန်းကလေး။
ဒီအရွယ်ကို သူများလက်ထဲထည့်ပေးရမှာ
သူ့အနေနဲ့နှမြောစိတ်တို့ဖြစ်မိသား။"လိမ်လိမ်မာမာနေနော်"
"ဟုတ်ကဲ့ပါကောရဲ့"
"အခုကအလုပ်ထွက်လိုက်ပြီဆိုတော့
ဘာဆက်လုပ်ကြမှာလဲ""သူ့မိဘတွေရှိတဲ့လားရှိုးမှာပဲသွားနေဖြစ်ကြမယ်ကောရဲ့။အဲ့မှာနေရင်းနဲ့ပဲ သင့်တော်တဲ့အလုပ်ကို လုပ်ကြည့်ရမှာပေါ့"
"အင်းပါ။တကယ်လို့ဒီကိုပြန်လာချင်တယ်ဆိုရင်လည်း ကောတို့ရှိနေသရွေ့ကတော့ အချိန်ပြည့်ဝဲလ်ကမ်းပါပဲ"
"ကောတို့ရှိနေသရွေ့ဆိုတော့ ကောကဘယ်သွားမှမလို့လဲ"
"ဪ တစ်သက်လုံးတော့ ကျွန်တော်မျိုးလည်းဒီအလုပ်တော့မလုပ်နိုင်ပဲလေ အမတော်ရယ်"
"အဲ့ဆိုကောကိုလွမ်းနေရတော့မှာ"
ခြေဖျားထောက်ကာသူ့ကိုပွေ့ဖက်လာသည့်ကလေးမကြောင့် နွေးထွေးစွာပြန်လည်ပွေ့ဖက်ပေးလိုက်သည်။
"ဖြူ သွားကြရအောင်လေ"
အသိတွေကိုဖိတ်စာလိုက်ပေးနေသည့်
အားမိန်၏ကောင်လေးဖြစ်သူကအနားရောက်လာတာကြောင့် သူတို့လူချင်းခွာလိုက်ကြသည်။
YOU ARE READING
သို့....မာလီပါး [Complete]
Literatura Faktuတိုက်ပွဲအကြောင်းအရာများ၊မြို့နှင့်ပတ်သက်သည့်အကြောင်းအရာများကလွဲလျှင် ဇာတ်ကောင်နှစ်ယောက်နှင့် သူတို့၏ဘဝအကြောင်းများ၊ နေရာဒေသတစ်ချို့တစ်လေသည် ကျွန်တော်၏အတွေး ဖြင့် ပုံဖော်ရေးသားမှုသာဖြစ်ပါသည်။ ထို့ကြောင့် သို့...မာလီပါး သည် ဖြစ်ရပ်မှန် ၄၀% ၊ ကျွန်တေ...