Z&U
"Sunflower နေကြာပန်း"
နန်းဂျွန်အားချိန်လေးမို့ အင်္ဂလိပ်ဒဿနစာအုပ်တစ်ခုကို ဖတ်ရင်း ကုတင်အောက်ကနေ တစ်နေ့ကမှ ဝယ်ပေးသော ရုပ်ပြစာအုပ်ကစာလုံးပောင်းတွေကို ဖတ်နေသည့် ဂျောင်ကုကို လှမ်းကြည့်မိသည်။ ထိုခဏသက်ပြင်းကလည်း အလိုလိုချမိသွား၏။
တစ်ဦးတည်းသီးသန့်သာ အိပ်တတ်နေတတ်သော်ငြား တစ်ယောက်တည်း အိပ်ပါကသရဲကြောက်သည်ဟုဆိုကာ အာပြဲအောင်ငိုတတ်သော ထိုကလေးပေါက်စကြောင့် နားညီးသည့်ဒဏ်အနည်းငယ်ကို နန်းဂျွန်ခံစားနေရသည်။
သို့သော်ငြား ယခုတော့ဖြင့်နန်းဂျွန်မှာ ကိုယ့်စာကို အေးအေးဆေးဆေး မဖတ်နိုင်တော့ဘဲ ထိုကလေးကိုသာ ဂရုပြုနေမိသည်။ ထိုကလေးရှေးအနာဂါတ် ကောင်းစားရေး အဆင်ပြေရေးသာ ဦးစားပေးတွေးသည့် နန်းဂျွန်စိတ်သည် အရင်ကလို ကိုယ့်အတွက်တစ်စိုးတစ်စိမျှ ပါမနေပါခြေ။
"ခွေးကိုကော ဘယ်လိုခေါ်လဲ"
နန်းဂျွန်အကဲစမ်း၍ ပက်လက်ထိုင်ခုံပေါ်ကနေ လှမ်းမေးတော့ နန်းဂျွန်ကိုမျက်လုံးဝိုင်းကြီးတွေနှင့် လှမ်းကြည့်သည်။ မျက်ခုံးလေးနှစ်ခုကို သေချာကျုံ့ပြီး စဉ်းစားနေပုံက ဆရာကြီးလိုလိုရယ်။
"အို့ အို့ လို့ခေါ်တယ်"
"ဘာ!"
"သားမှားလို့လား ဒယ်ဒီ"
နန်းဂျွန်သွေးစောင့်တိုးသွားလေသည်။ အင်္ဂလိပ်စာဖတ်နေပြီး အင်္ဂလိပ်လိုဖြေရမှန်းမသိသော ဂျောင်ကုကို နန်းဂျွန်ရိုက်ချင်လာသည်။ ရွဲဖြေသလားကြည့်မိတော့ မျက်လုံးအဝိုင်းသားက နန်းဂျွန်ဆီက စကားကိုငံ့လင့်နေသလို။ နှုတ်ခမ်းကလည်း အလိုလိုမဲ့ကျကာ ငိုတော့မည့်ပုံပြောင်းလာလေသည်။
"မမှားဘူး မေးမိတဲ့ငါပဲမှားတာ ဆက်ဖတ် ဆက်ဖတ်"
နန်းဂျွန်ခေါင်းခါကာ စာအုပ်ဆီကိုသာ မျက်နှာအပ်ထားလိုက်လေသည်။ တကယ်ကြီး နန်းဂျွန်စိတ်တိုနေပါပြီ။ သို့ပေသိကလေးပေမို့ အကြောင်းအရာပိစိလောက်နှင့်တော့ ပြောဆိုဖို့မသင့်ပါချေ။
"ဒယ်ဒီ"
"အင်းပြော"
"သားကိုစိတ်ဆိုးသွားတာလား သားကအမှန်အတိုင်းပဲပြောတာပါ ခွေးကိုလာပါအုံးလို့မှ ခေါ်မရတာကြီး ခွေးကလူမှမဟုတ်တာ အို့ အို့ အို့ လို့ခွေးခေါ်သလိုခေါ်မှ ခေါ်လို့ရမှပေါ့ ဒယ်ဒီတို့ကတစ်မျိုးများခေါ်လို့လား"
![](https://img.wattpad.com/cover/303664026-288-k426038.jpg)