هادئي

٢٦

وديم مشت منهم بسرعه واول م فتحت الباب كانت الصدمه..غيث تاكي راسو عالكرسي لورا ومعلقيت ليه محلول..

وديم بدموع وصوتها متقطع: م م مطر💔

غيث رفع راسوو بخلععه: وديم.؟! فشنو لى جيتي هنا..

وديم: الله جابني عشان اشوف منظرك وانت م كويس كدا مالك انت...وقعدت تبكي...

غيث بهدووء دال عالانكسار ومدا ليها يدو: وديم حبيبي تعالي..

وديم وهي بتبكي مشت وقعدت جمبو: مطر انت كويس؟ حصل ليك شنو من ساعتين كنت في البيت وكويس...يلا نمشي المستشفى يلا.. 

غيث: انا كويس بس دخت شويه...متخافي الدكتور كان هنا وهو الاداني المحلول دا.. 

وديم: انا كنت متاكده انك مجرد م تنزل الشغل حيحصل كدا...

غيث: بس انا اهو كويس..

وديم وهي بتزيد في الدموع: م كويس ولا شي شوف حالتك...

غيث حضنها برااحه: وحاتك انا يمكن اول مره من شهور اكون كويس جداااا جدا

وديم: حمدلله....

سكت مسافه وبعدها عنو وقال ليها: م قلتي لي الجابك شنو؟

وديم بتمتمه: م انا انا جيت هناي اطمن عليك..

غيث: تطمني علي؟ وم انا من ساعتين معاكي في البيت ولى م اتصلتي ...

وديم: مااا م مم ما انا قلت اجي براي واطمن

غيث بمكر: تطمني علي ولا تطمني انوو لارا م معاي..ابشرك لارا م جات اصلا.

وديم وهي بتهمس: وانا اقول الشركه لى هاديه ومنوره

غيث: هااا حبيبي...

وديم: ولا شي يعمري...يلا يلا امشي معاي اصلا شوف المحلول خلص...

غيث: طيب بس ممكن انا اسبقكك للبيت مش جيتي بعربيتك...

وديم: ااي بس لى

غيث: عايزك تجيبي لي حاجات من الصيدليه..وشوية حاجات من حتات مختلفه...

وديم: من عيوني وريني المحلات والحاجات وانا حسبقكك اجيبهم....بس هااا اجي القاك راقد مرتاح مش متجول في البيت..وحجيب معاي غداء وحعمل ليك شوربا ترم عضمك بيهاا

غيث غمزليها: اايههه الدلع دااا...

وديم: امشي يااض..

غيث انفجر بالضحك: انا يااض😂😂

وديم: مدري ياخ المهم امشي

غيث بضحك: طيب...

وهي ماشه شدااهااا عليه وحضنهاااا

غيث: بحبك...

وديم ابتسمت وصغطت على حضنو

طلعت ودعت ايفان والتيم...

وهي طالععه في ايد مسكتها...

وديم: انا بخخير وصحتي فل الفل....

ايفان: ونفسيتك؟

سكتت مساافه...وعايزه تتكلم...

ايفان: اوعي تكذبي علي...

اتفقعت بالبكااا ....وديم: ايفان انا تعبانه..

ايفان: اهدي تعالي معاي ساقها وقعدها على كافى جمب الشركه...

ايفان:يلا احكي..

وديم: م متزكرني...

ايفان: غيث بحبك يوديم ...

وديم: افهمني ي ايفان....رغم اني بحب غيث بس اتجبرنا علي بغض في البدايه وحباني زي م بتقول وم اتهنينا ببعض لقينا نفسنا طالعين من الموت حتى بعد م نساني لقا نفسو مجبور انو يحبني لانو لقا نفسو متزوجني...يعني حبب غصب عنوو..

ايفان: ومنو قال ليكي كدا...دائما حصدمك غيث بحبك لدرجه حتى انتي م ممكن تتصوريها صح كنتوا بتكرهوا بعض في البدايه وانغصبتوا على بعض بسس غيث بحبك...انتي تتحبي ي وديم انتي بقيتي جمبو علطول وكنتي سانداه...تعرفي لما غيث الليله اغمى عليه كنا بنحاول نصحيه كان بنادي باسمك..واول ن فتح عيونو كان بنادي ليكي وبفتش بعيونو عليكي..

وديم:.......😔

ايفان: بحبك يهبله...م تختي الافكار دي فراسك...

وديم: حااضر....المهم ازي اهلك 

ايفان: كويسين...وديم عايز اديكي خبر بس م تنفعلي.. 

وديم: شنو🙂

ايفان سكت مساافه وبعدين عاين ليها: انا راجع تركياا...

وديم: راجع؟ وتركيا؟ 

ايفان: الوالده هي الطلبت...

وديم: طيب بالسلامه وسلم لي عليها

وقامت ايفان مسكها..

ايفان: وديم!!

وديم: غيث منتظرني في البيت لازم اجيب الحاجات الطلبها وارجع...

فكت يدها وهي بتدس دموعها...وديم م حصل كان عندها صااحب مقرب ليها بالشكل دا غير جوري.. بس ايفان حسسها بالامان رغم انو اخوانها م كانوا معاها على طول بس ايفان حسسها بوجودهم كانت بتشوف فيه حركات اديم وهو ساكت وهادي وهو بتشغل شخصيتو وهو بنصحها ودايما بطبط عليها وفاهمها فكل كلمه او رمشة عين..

شافت شخصية ادين وهو بضحك وبظر وبملى اي مكان بمشيه بضحكاتوو محبوب عند الكل وسكوتوو بقتل الكل وبفرق مع ااي زول بعرفوو 

هي م قادره تتخيل بعد المده الطوويله دي ايفان يمشي ويخليها يعني عيلتها واسي ايفان....اطلقت العنان لدموعها وشهقاتها عاليه...اخدت وقتها في البكا واشترت حاجاتها ...

عند ايفان اللي م اتحرك من محلو وهو منزل راسو وبتكلم مع نفسو...

ايفان: كيف افهمها وضعي كيف اقدر احكي ليها اني م كويس💔

وديم رجعت البيت و....

#نهاية الحلقه السادسه وعشرون💙🧚‍♀

اتمنى لكم قراءه ممتعه♥️