وديم عايزه تتكلم...قاطعها صوت كان صدمه ليها......
لارا: ازيكم....
وديم:......
غيث: اهلين لارا......مش قلت ليكي م تجي..
لارا: معقووول ي غيث لازم اجي...
ام غيث كانت بتعاين لوديم بزعل وحزن وبتشوف معالم الصدمه على وشها...
غيث: لارا دي وديم وديم دي لارا....
لارا بلوية خشم: اهلا
وديم: ماما يلا...
منى مسكت بتها سندها ومشت.
ام غيث: وديم وديم ي بتي...
وديم: بعدين ي خالتوو....
ومشت..
لارا: يلا ي غيث اسند علي...
امو جات لزتها...: ولدي بنسندو براااي م ليكي شغله بيه...
لارا : بس ي خالتوووو.....قاطعها صوت هشام: انا بسندو يختالتووو وسند غيث
اما ايفان قال: وين وديم...!!
هشام: هديك هديك الحقها....
وايفان قام جااري....
غيث همس لهشام: ايفان دا بقرب لوديم شنو؟!
هشام: ولا ااي حاجه اصحاب بس من زمن اشتغلوا عندك في الشركه واكتر من اخوان كمان....حتى انت كنت بتغير منو..
غيث: انا
هشام: ايوه انت...
غيث: امممم....
هشام: بس اللي كنت بتكرها بالجد لارا دي حتى هي م كانت متمنيه انكم تطلعوا بخير لانها بتكره وديم للانك حبيت وديم وم حبيتها وانا بحزرك منها ي غيث...
غيث: طيب طيب...
مشوا والدكتور دخل وديم بالاول...
الدكتور: وديم حاسه بوجع...
وديم: لالا...
الدكتور: انا حفكو براحه براحه المكان التحسي بوجع فيه وريني كويس
وديم: حاضر...
وبدا يفك ليها في الجبص حبه حبه...جا عند قدمها تحت حست بوخزه...
وديم: هنا بوجع..
الدكتور: هاااا يلا الحته دي حتفضل ملفوفه لكان راح الوجع...
وديم: حاضر...
غيث جا داخل...
الدكتور: استاذ غيث منور الليله ...
غيث: م تبالغ يدكتور يااه....المدام كيف وضعها...
وعاين ليها...ولنظرات التفاجؤ الفيها...
