وفعلا نزلوا وعملوا هوت شوكلت وقعدوا يتونسوا....
الشباب جوا داخلين...
لارار: شايفاكم مبسوطين واخر روقاان على اساس تعبانين
ايفان: لالا م ماهان عليهم اجي اقعد براي..
جوري: انت جيت راجع قبلنا اصلا...
ايفان: ااي زهجت...
غيث: شباب بكراا حنطلع سفاري ظابطه كدا اتجهزوا.....
الكل: وااااااووو خلاص اووك...
غنوه: خلاص احنا من اسي بنجهز الاكل حق بكرا
وديم: انا حجهزز بس عايزه شوية حاجات...
غيث: وانا حجيبها ليكي انتي بس اطلبي..
وديم جابت قلم وورقه وقعدت تكتب هي والبنات محتاجين شنو للاكل....
وديم: وي سيدي دي كل الاشياء اللي احنا محتاجينها....
غيث: وي ستي حتتحرك وتركبي في العربيه البرا ديك لانك حتجيبيهم معاي لحد م البنات يظبطوا المطبخ والشباب يجهزوا قعده ظاابطه في الجنينه برااا نتعشا فيهاا....
ايفان نطط: ايوووه عليك نوور بس يلا انتوا امشوا انجزوا جيبوا الحاجات دي...
وديم: خلاص ظاابط حمشي البس جكت ولا شال واجي....
مشت لبست جاكيتها وطلعت مع غيث وكل زول بداا شغلووو....
الطريق كلووو غيث كان بسمع وديم وهي بتحكي ليه عن حياتا الكانت في المانياا وقدر شنو كانت بتفقد اخوانها وابوهاا...
غيث: وديم انتي لى كنتي قاعده في المانيا فحين انو اهلك كانوا هنا ...
وديم سكتت مساااافه....وبعدها ااتكلمت..
وديم: لاني كنت بتعالج...
غيث: تتعالجي؟!... من شنو...
وديم: من الشلل...
غيث وقف العربيه بسرعه لحد م وديم طارت لقدام من الكرسي😂
غيث: شلل....انتي كنتي مشلوله...
وديم: يس يس لما كنت صغيره في عربيه خبطتني واتشليت فسافرت اتعالج بس
غيث: بس ابوي م حصل جاب لي سيره ابدا...
وديم: ماف حد كان عارف....
غيث سكت وعاين ليها مسااافه...
وديم: علفكره انا م مشلوله حاليا مثل م شايف...
غيث: لا العفووو بس مصدوم....
وديم: م تنصدم انا بخير حاليا...
غيث: وحتكوني على طول بخير...
وديم: ان شااء الله....يلا اتاخرنا
