قاطعها بانو جراها لحضنو وقال ليها....
غيث: ح اتزكر يوديم حتزكر الفتره دي عشانك عشان انتي الفيها ح اعمل المستحيل عشان ارجع غيث الانتي كنتي بتحبيه واتزوجتيه...
وديم: واللي لسه بحبو وح افضل احبوو..مطر انا منتظرراك منتظره مطر وح افضل منتظراه لمن يرجع لي...
غيث: حااضر ان شااء الله....اسي تعالي احكي لي حكاية مطر الانتي بتقوليه لي دا...
وديم بدلع: اوك تعال طيب اقعد عشان م تتعب...
غيث: شوف البتدلعني المفروض انا ادلعك...
وديم: اقعد يااه...
غيث مسكها من يدها...وقعدوا
وديم : يسيدي انا مطر دااا كنت بسمع بيه من بابا...بابا كان صاحب عمو همام جدااا وكان دايما بحكي لي عن ولد عمو همام مطر...مطر الهادي مطر الناجح الراسي الرزين....كان معجب بشخصيتك جدااا جدا لدرجة انو حببني انا كمان وااتمنيت اني اشوفك بس م اتجرات طبعا حتى اديم وادين اخواني اصحابك جدا بس نظرا لانهم طلعوا برا السودان وانا رجعت من العلاج من برا م حصل صادفتك...
غيث: دقيقه دقيقه علاج ؟ علاج شنو
وديم: حكيت ليك قبل كدا وكنت حتعمل بينا حادث لما عرفت انا كنت مشلوله وكنت بتعالج...
غيث:😳
وديم: نفس الرياكشن...م تخاف م تخاف ...المهم..واتخرجت من الجامعه وفضلت سيرة مطر وانجازاتوو مرافقاني فكل مره بسمعا من بابا والفتره الاخيره بابا رجع السودان اجازه وانا كنت عايزه اشتغل فكلمتو يفتش لي شغل فقام عمو همام شغلني انا وجوري صحبتي معاكم في الشركه...
غييث: ههمممممم واسطات يعني..
وديم بغيظ: عارف انك حتى وانت ناسي غيااظ...
غيث بضحك: لىىى
وديم: اول يوم شغل لي كرهتك جداا لانك قلت لي الجمله دي وانا قلت ليك اني كنت ااالاولى على دفعتي...
غيث: اسف اسف...
وديم: مش اسف ولا شي يمستفذ..وبعد م اشتغلت معاك اتعرفت على ايفاان ومؤيد ويزن وهشام وغنوه ....
غيث: ايفان دا حالتووو بعرفك من فتره قصيره ومستلم الجو كدا...
وديم بضحك: ايفان اللي مش عاجبك دا هو اللي خلانا نجتمع ونعترف لبعض بعد يوم حفلة الشركه...
غيث: حفلة الشركه؟!
وديم: يب سافرنا للشغل واتعاقدنا مع الشركه وعملوا حفله حتى احنا كنا مطقمين بالصدفه باللون الاسود...
غيث رفع حاجبو: بالصدفه؟!
وديم: اوغسم بالله وريتك فوقتها انا م كنت ادري انك لابس اسود...حتى انك فوقتها اتصورت معاي...وطلعت الجوال ورتو صور اليوم داك....
غيث غمض عيونوووو وضغط على راسو: انا لى م متزكر لىى م متزكر....وبقا يعرق...
وديم: مطر مطر لالا م تضغط على روحك...
غيث: الصداااع..
قامت بسرعه جابت ليه المسكن وجات ادتوو ليه اخدو وعاين ليها....
غيث: ح اتزكر يوديم..
وديم قعدت ومسكتو من يدو: م بالطريقه دي حبه حبه حتتزكر.....
غيث بابتسامه: طيب
وديم: هات ايدك يلا...
مسك يدها وسندوا بعض لحد الغرفه...
وديم: يلااا زي الشااطر ارقد ونام
غيث: متعامليني زي الشافع🙂
وديم: الفتره دب شافع واكتر من شافع يلا....
غيث: شكرا...
وديم وهي بتحاكي صوتو: م تنسي اني زوجك....اسي انت كمام م تنسى اني مرتك...
غيث: اوك اوك حقك علي...
رقد وغمض فضلت تعاين ليه مسافه طويله....فجاه بقت تمرر يدها على شعرووو...مسك يدها وفتح عيونو: تعرفي انك حنونه جداا...
وديم بخجل: بجد
غيث: واكتر مما تتصوري...ممكن خلاص تقومي تجي ترقدي..
وديم قالت ليه طيب وقامت جات رقدت واتلفتت ممنو عالجهه التانيه..لفتها عليه وقال ليها: عارفه انك طالعه لذيذه...
وديم فجاه دموعها نزلوا وقالت ليه: كل مره كنت اجي ماره جمبك كنت بتقول لي طالعه لذيذه...
غييث: وديم طيب لى انا كنت بكرهك..
وديم سكتت مسافه وقالت ليه: لانو فبداية حدايتنا اهلك كانو جابرنك علي وبعدها اتعرفنا على بعض بس تدري حاسه انك نسيتني انا لانو كنت حاجه انت مجبر عليها فحياتك وانجبرت تتقبلها وتتعامل معاها....واتلفتت على الجهه التانيه ودموعها م راضيه توقف...
غيث: وديم!!
وديم: غييث ممكن انوم..
غيث عرف انوو زعلها جدااا وعرف انها متاثره بسبب نسيانو ليها...
الصباح....
وديم صحت لقت غيث مافي...بقت تناديه ومافي ااي اجابه...حامت البيت كلو وم لقتو جات تتصل لقت جوالو في البيت فجاه الباب فتح وكان عم خليل ساند غيث وجايبوا معاه....
وديم: الله يسامحكم وين كنتوا انتوا.
عم خليل: مشينا جبنا حاجات للبيت..
وديم: الله يديك العافيه يعمووو...
عم خليل: ولوووو...وطلع..
وديم: مطر لى م صحيتني اصلي الصبح..
وهو مقبل منها لفتتو وقالت ليه انت لى م قعد ترد علي....
وفجاه جاها كففف منوووو صن ليها اضانها....!!
#نهاية الحلقه الواحده وعشرون💙
اتمنى لكم قراءه ممتعه♥️
