هادئي

٣١

وديم بصرخه: ما تجاوب؟

غيث مشا عليها ومسكها من وشها وبهدوء قال ليها: وديم حبيبي فشنو لدا كلو انا ن جايبك خدامه ولا حاجه بس برضو م حصل شي للتعصيب انتي حاصل ليكي شنو متنرفزه كدا..

وديم بعدت منو: خلاص يااخ ...

غيث بينو وبين نفسو كان مستغرب انها لى متعصبه منو كدا...

وديم دخلت الحمام غسلت وشها وطلعت عاينت لغيث اللي لحقها ومشت اتخطتو وقفت تبلع مسكن لراسها الكان حينفجر سرحت مسافه جوا الدرج وهي بتعاين وتاني وقفت اتلفتت على غيث بتفاجؤ حتى هو م فهم هي مالا...

غيث اتحمم ورقدت جمبها عاين ليها لقاها بتكتب مزكراتها كالعاده م حاول يتكلم معاها اتلفت منها عالججهه التانيه م متعوظ وديم تنوم برا حضنو اتفاجا بيها لما لفت ايدينها حولينو وباستو فخدوو..

وديم: حبيبيIam sorry بس الضغط كبير علي..ما قدر يقاومها حبيبتو اللي بتعتزر ليه واتلفت دخلها فحضنو..

غيث: انا اللي اسف حبيبي انك بتتعبي بسببي وم كنت مستوعب انتي مالك..

وديم: برضو اسفه بس انت ليه بعدت مني

غيث: لقيتك بتكتبي وم كنت ناوي اقاطعم..

بعد مرور يومين: وديم بتتكلم مع مامتها 

وديم: ماما ممكن اقول ليكي حاجه بس بينا..

منى: اوك ي ماما مالك كويسه غيث كويس؟.

وديم: ااه كويس بس كل الحكايه انو انا حامل

منى: شنوو حبيبتي الف الف مبروك وبدت تبكي..متين عرفتي؟

#فلاش باك:

وديم لما عاينت للدرج وكانت سرحانه كانت بتتزكر اخر شهر ليها مع البيريود وانصدمت من المده ربطت احداث عصبيتها ودوختها وكل اعراضها مع الحكايه

تاني يوم الصباح نزلت الصيدليه وشرحت الدكتوره اعراضها وهي فسرت ليها وقالت ليها اعملي تحاليل وراسا اتجهت للمستشفى للتحاليل...وفعلا طلعت حامل💙💙

باك:

وديم: ماما انا لازم اقفل غيث على وصول..

قفلت من امها واتحممت ولبست فستان زرعي مورد بالبمبي وشبط ابيض صغنن وخلت شعرها زي م هو...حضرت العشا لانو غيث كان مع هشام في الشركه الشغل اتراكم عليه...

جا داخل ووديم في المطبخ...

غيث: وديم...حبيبي..

وديم: ها حبيبي انا في المطبخ..

جاها حضنها وباسها من شعرها...

غيث: اشتقنا...وديم: احنا كمان اشتقنا ليك

غيث: انتوا؟ وديم بضحكه: انا وقلبي يعني😂🙂اتحمم وتعال اتعشى...

جا وقعدوا يتعشوا...