هادئي

٢٨

في مكان اخر كانت جاريه مكالمه هاتفيه:

_ ماهو الموضوع م على كيفك انت لازم تكون هنا خلال48 ساعه. لازم تجي م على حساب صحتك..ايفان كلامي م يتكرر...

ايفان: طيب ححاول..

_ ححاول؟ ان م جيت انا حجيك فمحلك

ايفان: لا خلاص حجي..

_ فالانتظار..

قفل الخط ومسح وشو بيدينو وهو بتنهد..

ايفان جوا نفسو: كيف اتصرف اسي...غيث!! ماعندي غير غيث لازم اكلموو...

عند غيث وودين:

غيث وهو بعاين لوديم وبتكلم مع نفسو: "" عيونك الواسعه الكحيله..رموشك حواجبك السودا شعرك الكيرلي اللي باخد طاقتي وقوتي من ريحتو شفايفك اللي حركاتها واسمك اللي بتنطقتو بتاخد لعالم تاني م فيه الا انتي💙لمستك البتخليني انسى حتى اسمي..هدوئك في بعض الاحيان افقد عقلي..وجنونك البخليني اتمسك بالحياه عشانك...وديم تاني مف شي حيفرقناا غير الموت💙💙

عاين ليها وفجاه ركز عرقبتها ودنقر غمس راسو في رقبتها وبعد مسافه رفع راسو بضحكه وقال:"دا نوم ولا موت يحبيبي"💙بقا بلعب ليها في انفها بشعرها وبرضو نايمه دنقر راسو وختا شعرو فوشها وحركوو ويدوب اتحركت وفتحت عيونها ببطء عاينت ليه وفجاه اتلفتت عالجهه التانيه لانها حست بوشها بقا احمر بس غيث فاجاها بحضنو ليها وهمس ليها: وشك وخدودك الحلوه دي حتى لو م في شي خطير بتتورد وبتدي احساس انو في حاجه حاصله....صباح الخير يكل الخير💙

وديم غمضت عيونها بخجل وابتسامه: غيث يااخي بعد...صباح النور ي نور..

غيث بضحك: معقوله يمرتي يااخي..طيب قومي انتي وجضومك دي عشان انا لازم انزل الشغل...

وديم: طيب اتحمم مسافه ااا امم ااا قوم ياخ...

غيث: امري لله طيب قايم..وفعلا قام ودخل يتحمم ووديم رتبت كل شي طلع وهي دخلت بعدو وهو بتجهز جاهو اتصال من ايفان...

غيث: ابن حلال والله اسي كنت حتصل عليك..

ايفان: انا لازم اشوفك انت وين؟

غيث: انا جاي الشركه..

ايفان: لا برا الشركه عايز اتكلم معاك ضروري..

غيث: موضوع السفر؟

ايفان: حاجه بالشكل دا في الكافى الجمب الشركه بعد ساعه..

غيث: اوك 

جات وديم وهي بتنشف شعرها: بتتكلم مع منو؟

غيث: اا دي امي كنت بقول ليها حنتعشى معاكم ومنو اوريهم اني بقيت كويس. 

وديم وعيونها بتلمع: حيفرحوا فرح💙مشا عليها وخت ايدو في خدها: ي الله ي وديم دي شنو ينابيع الدموع دي يحبيبي اسي الدموع لشنو..