للقدر رأي آخر

البارت 16 والأخير

حل باب الغرفة ودار لعند محبوبتو لي واقفة وراه وحادرة راسها للتحت وشادة فجناب السلهام بيدها .. تبسم وتحدر شوية دار يدي فظهرها ويد تحت ركيها وهووبلا هزها .. شهقات متفاجأة بحركتو ونفس الوقت حشمانة ..

حنان (بخفوت) : ويلي نزلني

يونس (كيضحك) : العادات احبي ههه

شاركاتو الضحك وولج للبيت وهو هازها بحال الريشة، سد الباب برجلو وتمشى بيها تا للوسط وحطها وعينيها كيدورو فالبيت كيفاش مديكوري ومجهز لاستقبال العروسين، الشموع مشعولة والورد مشتت فالبيت كامل راسمين بيه مسار تا للسرير لي كان مزوق تاهو على شكل قلب الوسط .. كان فقمة الروعة وعجبها بزاف وهو مراقبها .. تا بنات ليه بدات كتفوه وعرف هاد الليلة مكاين والو والسيدة عيانة مغيزيدش يعييها كثر وقرر يأجل دخلتهم حتى يسافرو كاع .. قرب ليها وبدا يعاونها تحيد السلهام وهي تزاد معاها الزايد وخافت وبدات ترعد ليه تما جابت ليه الضحك، كور وجهها بين يديه وطبع قبلة خفيفة على جبينها وهمس ليها ..

يونس : ها الحمام دخلي دوشي وبدلي عليك باش تنعسي مرتاحة، فيك الجوع؟

حنان : لأ باقا شبعانة من العرس

يونس : اوك، يالاه سيري واجي تنعسي شوية تابعنا الفياق بكري

حركات ليه راسها وهي مبتاسمة ليه بامتنان حيت تفهمها وماضغطش عليه وهكا كيزيد يعلى فعينيها وتزيد تبغيه كثر وكثر .. مشات للشانطة ديالها جبدات منها بيجامة مستورة جمعاتها مع الحوايج كاحتياط ودخلات للحمام زولات السلهام ووحلات فلاغوب حيت كانت فيها سلسلة اللور عيات تجبد فيدها ووالو مقدراتش توصلها، شافت تا عيات وحيت كان باين فيها التعب بغات غير امتى تحط راسها ع المخذة، وهي تخرج عندو لقاتو جالس جنب السرير كيتسناها شافها وناض عندها ..

حنان (بخجل) : واخا تحل ليا سنسلة دالكسوة مقدرتش نوصلها

يونس : اوك

دارت عاطياه بظهرها وهبط ليها السلسلة وهو متحكم فراسو بزز، غير حسات بيه حيد يدو وشكراتو بزربة ودخلات طايرة للحمام ثاني خلاتو واقف بلاصتو كيخرج فتنهيدات من الاعماق .. دوشات ولبسات بيجامتها وخرجات طالقة شعرها لي مقاستوش بالما حيت طويل ومبغاتوش يبقى شادها وهي عيانة خلاتو مصاوب ..

يونس : بصحة

لمس خذها الناعم ودخل تاهو للحمام يغسل ويحيد عليه العيا، غير خرج لقاها تخشات بلاصتها وسرحات عجول الاخرة مقدراتش تبقى فايقة كتسناه دغيا داتها عينيها، طفا الضو ومشا تخشا جنبها معنقها لصدرو وكيبوس فراسها ويشم ريحتها تانعس تاهو بعدما عمر تيليفونو على الوقت لي خاصهم يفيقو فيه ..

#أصبحنا_وأصبح_الملك_لله

غير صونا تيليفون وناض هو الاول وبدا يفيق فيها، بزز باش ناضت ليه خاسرة بالنعاس حيت مشبعاتوش ومازال عيانة .. بدلو عليهم ومشاو فطرو هو الاول وشدو الطريق للمطار لقاو تما ابراهيم وسلوى ومواتهم كيتسناوهم تما باش يودعوهم .. وقفو معاهم غير شوية فقط ودخلو للمطار وهوما مشابكين الايادي والحنينة فيدها دليل على أنها عروسة جديدة ..