الفصل الخامس والعشرون
وقفنا لما عبدالرحمن كان مع مراته وبنته
انا قبل ماابدا الفصل هقول كلمه صغير
لكل راجل بيحب اهل بيته لازم يحافظ ويحتوى مراته بحبه ورعايته ليها ويقرب من ولاده وبالذات البنات البنت لما تحس بحب ابوها ليها بتخاف عليه وعمرها ماتقدر تزعله
نبدا بسم الله
نسيب عبدالرحمن ونروح لياسين ومروان وبدر
مروان راح على الكوشه وبيقول لرقيه يالا ياروكا مش كفايه كده والااييه وراكى جامعه ياماما الصبح
رقيه..حاضر يامروان
ياسين...نعم يااختى حاضر لا ياماما اوامرك تاخديها منى انا مش من ابن عمك ها وانت ياعم الحلو خد بعضك وروح اقعد فى حته بعيد عنى علشان لو قومتلك اولع فيك ياابن الحلوانى وجت عليه ندى الاعصار اهيييييه ياشباب بتخانقوا ليه زياد رد عليها وبيقولها اكيد مروان بيغلس عليه وضحك وبدر اه فعلا وياسين ومروان بيقولهم منورين يافندم وندى وزياد دانوركم وندى بتقولهم اوعوا كده لما نسلم على العروسه وجت عليها وبتقولها ايييه الحلاوه دى والله خساره فى انور الحلوانى دانتى قمر مش زيه ولازى ابنه البومه
رقيه.ميرسى يافندم حضرتك اللى قمر منجيش فى سيادتك حاجه .
ندى.قولى يا.ندى او ياندوش زى الولاد مابيقولوا
رقيه بضحك ماشى ياندوش وزياد سلم عليها هو كمان وادوها الهديه وبعدها استاذنوا ومشيوا ومروان حاول معاهم قالوله انت عارف الشغل اللى فوق دماغنا احنا لولا معزتك ومعزة ياسين مكناش جينا ومروان وياسين وبدر شكروهم وعرفوهم على بابا بدر وعمو عبدالله وجده وندى قعدت تهزر مع الجد وبعدها استاذنوا ومشيوا وبعد وقت الكل بدا يغادر القاعه وياسين اخد رقيه يتعشوا بره بعد مااستاذن من مامة رقيه وبدر اخد بدور كمان يتعشوا بره ومروان خد خالد وسوسن رجعهم على البيت وبعدها روح بيته وكل تفكيره فى نوال وشكلها اللى اتغير تماما وملامحها اللى بقت كلها طفوله من غيرميكيب ولا تزويق على طبيعتها والتزامها وابتسم وبعدها راح فى النوم وعدى يوم كتب الكتاب والكل التزم فى مستقبله ولحياتهم الاساسيه مع مشاكسة ياسين لرقيه وبدر لبدور ومتابعة مروان للنوال والحياه ماشيه ومفيش اى جديد بدر فى شغله وهو ياسين ومروان وفى مهامتهم ورقيه وبدور فى جامعتها والكل مشغول فى حاله ماعدا انور اللى عالطول بيضايق بيها رقيه بس ياسين واقفله بالمرصاد ان جه يوم اتقلب فى كل الموازين واصحاب الحق اخدوا حقهم
فى يوم من الايام هانى الحلوانى ماشى بعربيته تحت تأثير المخدرات وكان ماشى بسرعه وعمل حادثه وابوه وامه عرفوا ولانه مروان اخد بلاغ بالحادثه راح للمستشفى وراح على مكان اللى عمل الحادثه اول اللى شافه عمه وبيقوله ايييه انت ايييه جابك هنا جاى تشمت فيا وفى ابنى ومروان بيقوله هو ابنك اللى عمل الحادثه انا اتبلغت بالحادثة وجاى اشوف مين لو اعرف ان هو ابنك ماكنتش جيت من اصله وانور هصدق انا كده ومروان بيقوله تصدق ماتصدقش دى حاجة متخصنيش وفى اثناء لما بيتكلموا الدكتور خرج وقالهم ياجماعه المريض نزف كتييير ومحتاجين دم وكمان الكليتين ادمروا وعايزين متبرع فى اقصى سرعه وانور ومراته بتقوله يعنى ايييه ابننا هيموت اتصرف يادكتور والدكتور قالهم احنا مش فى ايدينا حاجه نعملها ياريت تعرفوا تتصرفوا الموضوع مستعجل ومرولن ادخل بيقوله هو فصيلة دمه اييه يادكتور والدكتور قاله A+ ومروان انا فصيلته زيه ممكن تاخد اللى انت عايزه وانا هتصل بحد يجيى يتبرع معايا اتفضل يادكتور وكل ده وانور مايعرفش ان مروان هيتبرع لا وكمان هيتصل بااصحابه يجيوا هماكمان لان بدر فصيلته نفس الفصيله وياسين لما عرف جه مع بدر ودخل كمان يتبرع وقدروا يقفوا النزيف وانور اتفاجا باللى عملوه والدكتور قاله ياريت تتصرفوا فى موضوع الكلى علشان كده المريض ممكن ينزف تانى ومروان قاله ممكن تعمل. التحاليل لوينفع اتبرع اتبرعله والدكتور كان مستغرب ازاى ظابط شرطه ويعمل كده ومن فضوله ساله هو حضرنك ليه بتعمل مع المريض كده بالرغم انا سمعت كلام حضرتك مع والد المريض
مروان...اولا بعمل كده ليه لانه انسان ومحتاج مساعده ثانيا ابوه ده عمى والمريض اللى جوه ده ابن عمى اه عمى بيحسبنى جاى اشمت فى ابنه وده مش صحيح احنا جالنا بلاغ بالحادثة وانا جيت على الاساس ده وياريت يادكتور باباه ميعرفش ان عملت تحليل لمعرفة مدى تتطابق كلينى لكليته والدكتور اعجب بمروان وقال لنفسه اد ايييه هو انسان بالرغم قساوة والد المريض معاه بس هو منسيش انسانيته وبعدها اخذ العينه ومعرفته بحالة هانى خد اصحابه ومشى وركبوا عربية بدر لان مروان بسبب الدم اللى اخدوه منه حاسس بعدم اتزان وبدر قاله نعبت حد يجيبها وركبوا التلاته وياسين بيقوله طول عمرك انسان يامروان واحد غيرك كان سابه مات ولاعمل اللى انت عملته بسبب كره ابوه ليك ولباباك الله يرحمه
مروان ..الله يرحمه ياياسين الموضوع ان فى انسان عايز مساعده ومدام فى ايدى اساعده حتى لوكان الد اعدائى
بدر...احنا عارفين ده ربنا يستر عليه بجد اللى سمعته ان الواد مدمر الواد شفته مره لما اتخانق مع بدور تحسه كده واد ضايع مالوش هدف واللى عرفته ساعة ماعمل الحادثه كان تحت تأثير المخدرات
ياسين... فعلا الواد ده نتاج اب وام مش مسئولين
مروان .. الدكتور طول عمره انانى مش بيحب غيرنفسه ساب ابنه لاصدقاء السوء وادى النتيجه
ياسين ..ربنا يستر
بدر ومروان يارب ومروان حس بدوخه بسبب كمية الدم اللى تاخدت منه واصحابه لحظوا ده واقفوا عند اول سوبر ماركت وجابوا اكل وعصاير كتييير لمروان وليهم هما كمان لان بدر كمان اتبرع وياسين بيشرب معاهم غلاسه وبدر بيقوله هو انت بتاكل ليه هو انت اتبرعت
ياسين..لا بس قلت اشجعكم
بدر ومروان...طفس
ياسين .اه انا كده وبعد وقت وصلوا لفيلا مروان ودخلوا معاه ومروان قالهم انا هاطلع ارتاح وانت ياسين اتصل بيهم فى الشغل وقولهم ان انا تعبت وبكره هيجيى يقفل محضر الحادثه وياسين قاله اوك واتصل وبلغهم وقفل معاهم وصوا الداده .ان هى تاخد بالها من مروان وبعد ساعتين تصحيه لازم تاكله لانه متبرع بالدم والداده قالتهم ماشى وياسين قال لبدر تعالى انت كمان ارجعك البيت واروح انا الشركه وابعت حد يجيب عربية مروان وبدر قاله اوك وخدوا وصلوا للبيت وبعدها ياسين رجع على الشركه وبعت عم طه السواق يجيب عربية مروان والسواق راح المكان يجيبها وصلها لفيلا مروان ورجع تانى لمكان شغله وعدى كام يوم عن الحادثه وللاسف كل العينات طلعت غير مطابقة للمواصفات ومروان رجع على بيت رقيه وبدا يحكى أن لو ملحقوش هانى ممكن يموت وهنا رقيه اتصلت بياسين وبتقوله عايزاك ضرورى ياسين وياسين اوك تمام استنى اجى اخدك ونروح اى كافيه وهى قالتله تمام وبعد فتره صغيره جه ياسين واخد رقيه وراحوا كافيه وياسين بيقولها مالك يابنتى حاسك متوتره
رقيه ببعض التوتر بتقوله ياسين انا عايزه اعمل حاجه بس خايفه من ردت فعلك
ياسين..حاجة اييه اللى عايزه تعمليها وخايفه منى
رقيه..بص انا عايزه اعمل التحليل لاخد الكلى لهانى ابن انور الحلوانى
ياسين.. والله وده ليه انتى اجننتى يارقيه الا هو ازاى مش فاهم
رقيه..بص مش هقولك اخويا ولا الدم واللحم ولاحاجات دى بس ده انسان ومحتاج مساعده ومدام فى ايدى اساعده مساعدوهش ليه
ياسين...انتى هتعملى كده علشان ابوه يعترف بوجودك
رقيه..بص انا مش هعاتبك على كلامك بس هتصدقنى انه مش فارق معايا بس والله لانى انسان واقدر اساعده اساعده ايييه رايك
ياسين.حقك عليا بس انا خايف عليكى وبأبتسامه وانا مقدرش هوقفك على فعل الخير
رقيه..بس مش عايزه حد يعرف وبذات ماما وبدور
