အင်မော်တယ်ဖေဖေ Part 1 (စာစဉ် ၁ မှ ၁၃ အထိ)

အပိုင်း(၂၁)

အခန်း(၂၁)ဘဏ္ဍာစိုး ရှောင်ဟေး

သန့်စင်သောယန်ရေစင်၏ အာဟာရအောက်တွင် ကျိုးနေသော ခွေးလေး၏ခြေထောက်အရိုးမှာ တဖြေးဖြေး ပြန်လည်ကောင်းမွန်လာသည်။

ဤအခိုက်အတန့်တွင် ခွေးလေးသည် အလွန်တရာလန်းဆန်းသာယာဖွယ်ကောင်းခြင်းကို ခံစားရသောကြောင့် သူ၏မျက်လုံးများကို သဘောကျ ကျေနပ်စွာ မှိတ်ထားသည်။

သို့သော် ခွေးသည် ၎င်း၏အနှစ်သာရ အမြူအတေကို အဆင့်မြှင့်တင်လိုပါက နာကျင်မှုများစွာကို ခံစားရရန် လိုအပ်နေသေးသည်။

"မူလအစ"

ကျန်းဟန်၏မျက်လုံးများတွင် အလင်းရောင်တစ်ခုလင်းလက်သွားသည်။

"ဘန်း"

မိုးခြိမ်းသံတစ်ခု ထွက်ပေါ်လာပြီး ယန်မိုးကြိုးသစ်ပင်အတွင်းမှ စိမ်းရောင်ရင့်ရင့် လျှပ်စီကြောင်းတစ်ခုကို မြင်တွေ့နိုင်သည်။

ဤသည် ယန်မိုးကြိုးသစ်ပင်၏ မူလအစ စွမ်းအားဖြစ်သည်။ တစ်စွန်းတစ်စသာရှိသော်လည်း ယန်မိုးကြိုးသစ်ပင်သည် အဆင့် ၅ စိတ်ဝိညာဉ်ရတနာတစ်ခုဖြစ်ကြောင်း မမေ့သင့်ပေ။

အဆင့် ၅ စိတ်ဝိညာဉ်ရတနာက ဘာအဓိပ္ပာယ်နည်း။ အဆင့် ၁ စိတ်ဝိညာဉ်ရတနာအဆင့်သာရှိသော သန့်စင်သောယန်ရေစင်သည် ခွေးလေး၏ခြေထောက်ကို ပြန်လည်ကောင်းမွန်စေခဲ့သည်။ ဒါဆို အဆင့် ၅ စိတ်ဝိညာဉ်ရတနာဆိုရင်ရော မည်သို့နည်း။ စိတ်ဝိညာဉ်ရတနာတစ်ခု၏ မြှင့်တင်နိုင်စွမ်းသည် ယခင်အဆင့်ထက် ၂ ဆ ၃ ဆ ပိုမိုအားကောင်းနေရန်မှာ ပြသနာတစ်ခုမဟုတ်ကြောင်း သိရပေမည်။

၎င်းတစ်ခုတည်း စဉ်းစားကြည့်ရုံနှင့် အဆင့် ၅ စိတ်ဝိညာဉ်ရတနာ သည် မည်မျှကြောက်စရာကောင်းကြောင်း မြင်နိုင်သည်။

အစိမ်းရင့်ရောင် လျှပ်စီးကြောင်းသည် ခွေး၏ခန္ဓာကိုယ်ထဲသို့ ချက်ချင်းရောက်လာသည်။

ခွေးကို "အာဝူး" ဟုဖြစ်သွားစေပြီးနောက်တွင် ခွေးလေး၏ခန္ဓာကိုယ်မှာ တွန့်လိမ်သွားသည်။

အမှန်တကယ် သုခဘုံစံစားသည့်အခိုက်အတန့်ပြီးနောက် ငရဲကျသည့်အခိုက်အတန့်ရောက်လာသည်။