" အား!!! "
အာဗြဲကြီးနဲ့ ထအော်လာတဲ့ အထူးအဆန်းလေးကြောင့် ချာလိန်းလန့်နိုးလာတယ်။ သူမက ကျောက်ခုံမြင့်မှာအိပ်နေရာကနေပြုတ်ကျသွားလောက်တဲ့အထိ အထူးအဆန်းလေးရဲ့ အသံက စူးရှနေတယ်။ ချာလိန်းက နာသွားတဲ့ခါးလေးကို အသာပွတ်ပြီး အထူးအဆန်းလေးကို စိုက်ကြည့်ပေးလိုက်တယ်။
ကြောက်သွားပါစေ ဆိုတဲ့အတွေးနဲ့။ အဟမ်း..မထင်မှတ်ဘဲ အထူးအဆန်းက ထအော်ပြန်တယ်။
" မားမီး...ဘာကြီးလဲ ဆန်းကျယ်လိုက်တာ မိန်းကလေးတန်မဲ့ ကိုယ်တုံးလုံးကြီး...အား!!!''
" တိတ်တော့ နားငြီးလို့ ''
ချာလိန်းက နားကိုပိတ်ကာ တားမြစ်လိုက်တယ်။ ဒီအထူးအဆန်းကဘာတွေပြောနေတာပါလိမ့်။
" ဘာဖြစ်နေကြတာလဲ ''
ရှေ့ဆင့်နောက်ဆင့်ထွက်လာတဲ့စကားကြောင့် ရှောင်းကျန့်တွေးလိုက်တယ်။
ဒီနေရာမှာ သူနဲ့ ကိုယ်လုံးတီးမိန်းမနဲ့ နှစ်ယောက်တည်းမဟုတ်ဘဲ တတိယလူရှိနေသေးတာပဲလို့။
" ခင်ဗျားကဘယ်သူလဲ ''
ဖြူစွတ်နေတဲ့ဂုတ်ထောက်ဆံပင်ကောက်ကောက်နဲ့ မျက်ခုံးတန်းတန်း၊ နှာတံစင်းစင်း နူတ်ခမ်းမထူမပါးလေးနဲ့ ဒီရေသူထီးက သိပ်ကြည့်ကောင်းတာပဲ။ အမြီးစိမ်းပြာရောင်ကကြည်တောက်နေပြီး သိပ်လှလွန်းတယ်။
" ကိုယ်က ဗစ်တာ.. လူသားလေးကြားဖူးတဲ့ ပုံပြင်တွေထဲက ရေသူမျိုးနွယ်ပါ ''
" သူကြည့်ရတာ သိမယ့်ပုံမပေါ်ပါဘူး ''
မောင်ဖြစ်သူကို ငမ်းကြောထနေသည့် အထူးအဆန်းလေးကို ချာလိန်းက ရွဲ့ပြီး စောင်းမြောင်းပြောဆိုတယ်။ ဒါပေမယ့် သူမပုံစံက အထူးအဆန်းလေးကို မုန်းတဲ့ပုံတော့မဟုတ်ဘူး။ ချစ်စနိုးနဲ့ စနောက်နေပုံမျိုးပဲ။
ရေသူထီးအချောလေးရဲ့စကားကို ကိုယ်လုံးတီးမိန်းမလေးက ဝင်ထောက်တာမို့ ရှောင်းကျန့်ကတော့ မျက်မှောင်ကျုံ့ပြီး အကဲခတ်တယ်။
" ခင်ဗျားတို့က မောင်နှမတွေလား ''
" အင်း သူက ကိုယ့်အစ်မလေ ချာလိန်းတဲ့''
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌
![Peculiarly System [Completed ]](https://img.wattpad.com/cover/261840982-64-k831082.jpg)