ထထွက်သွားတဲ့ဘန်ကို နှမြောတသကြည့်နေရင်းမှ ဂျက်ဖရီကသက်ပြင်းလေးချရင်း အန်ဒရူးကို စိတ်လေစွာ ကြည့်လိုက်သည်။
" ဗန်ပိုင်းယားစုတ် ၊ ဘန်က ငါ့ကို လက်မထပ်တော့ဘူးတဲ့ အဲ့တာ မင်းကြောင့် ''
" မင်းလည်း ကျားစုတ်ပဲကွ ၊ မင်းကြောင့် ဘန်ကငါ့နောက်ကို မလိုက်တော့ပါဘူး ဆိုပြီး အငြင်းစကားတွေထွက်လာတာလေ ''
ဘန်ကိုအကြောင်းပြုပြီး ပြဿနာဖြစ်နေသော ယောက်ျားနှစ်ယောက်သည် အတောမတတ်နိုင်တဲ့ စိတ်အခန့်မသင့်မှုတွေကြောင့် တိုက်ခိုက်ဖို့ စိန်ခေါ်ကြတော့မည့်အလား။
" မင်းသေရင်သေ ၊ မင်းမသေရင်..မဟုတ်သေးဘူး မင်းသေမှဖြစ်မှာ ဖုတ်ကောင်ကြီး ''
ဂျက်ဖရီရဲ့ စကားကြောင့် အန်ဒရူးက ရှုးရှုးရှားရှားနဲ့ ပြန်ပြောပြန်သည်။
" အောင်မယ် ငါက ဘာလို့သေရမှာလဲကွ သေချင်းသေ မင်းပဲသေရမှာ ''
" အော်အော်.. ဟုတ်သားပဲ ၊ မင်းက သေပြီးသားဖုတ်ကောင်ကြီးလေ ၊ အဲ့တာကြောင့် သွေးမရှိသလို ဖြူဖျော့နေတာ ''
" ဂျက်ဖရီ မင်းစကားတွေလွန်နေပြီ ''
" အဲ့တော့ ဘာဖြစ်လဲ ၊ မဟုတ်လို့လား ပြော ''
" အေး ၊ အဲ့ဒီဖုတ်ကောင်က မင်းရဲ့ဂုတ်သွေးကို အခုချက်ချင်းထပြီး စုပ်ပစ်လို့ရတယ် ''
" လာလေ..ငါက ငြိမ်ခံနေမယ်ထင်နေလား ''
ဘုရားစူး ၊ ဒါက တစ်ယောက်တည်းရဲ့ ဝိညာဉ်အသိနှစ်ခုပါတဲ့။
အတော်ကိုသင့်မြတ်နေကြတာပါလားနော် လို့ ချီးမွမ်းထောပနာပြုလိုက်ချင်ပါဘိ။ရှောင်းကျန့်လေးက kitty ရဲ့ အကူအညီနဲ့ ထိုဝိညာဉ်နှစ်ခုပြောနေတဲ့စကားတွေကို နားထောင်ကြည့်ပြီး နှာခေါင်းရှုံ့လိုက်သည်။
' Kitty '
' ဟုတ်ကဲ့ Host '
' ဒီကမ္ဘာမှာတော့ ငါ မစ်ရှင်ရှုံးတော့မယ်ထင်တယ်'
' အင်း 99.9% ကိုသေချာနေပါပြီ '
ဘန်က အသက်ရှည်ချင်တယ်၊ ချစ်တဲ့သူနဲ့ပေါင်းချင်တယ်တဲ့။
YOU ARE READING
Peculiarly System [Completed ]
RomanceStart date ... September 17 .2021 End date .....July 30.2023 System ဆိုတာ စိတ်ကူးယဉ်ကမ္ဘာတဲ့ သူကပြောတယ် ငါ့အတွက်တော့ သူက ကြောက်စရာကောင်းတဲ့ Vicious System ပဲ Xiao Zhan ❌ IT'S NOT TRANSLATION . ❌