القارح"عيون الليل"

part-5-

لا اعلم أي الاخطاء ارتكبت ب حق نفسي حتى أَصبحت بين يداك...

شجعت نفسي واتوجهت افتح الباب

بس الباب رجعت تندڪ اقوى ويحجي حجي ما مفهوم، خفت لا افتحة وهو مو بوعية ويسويلي شي
وهو بذات نفسة كال لتفتحيلي الباب

رجعت من شرودي ؏ دكة الباب بحيث حسيتة راح ينقلع، كعدت يم الباب وصرت ابجي ؏ روحي

و؏ حظي الي خلاني بهذا المكان، اذا اول يوم هيج لعد بقية الايام شلون!

كمت ورحت لغرفتي مفزوعة ورحت قفلت الباب بالقفل مرتين، ورحت انام

ماكو اقل الخمس دقايق والباب البرة سمعت صوتها انفتح
وخطوات اشخاص بالبيت

زفرت ب ارتياح لان دخلت قبل لا هوَ يدخل، الله اعلم بحالي بعد

حسيت باب غرفتي يدتها تنزل دلالة ؏ انُ شخص يحاول يدخل، حاول اكثر من مرة ما انفتحت اخر شي اندڪ الباب

هذا الحجي اني كاعدة ؏ الجرباية ولامة رجلية لوجهي وضامتهم بقوة، خايييفة كُلش هم ما ادري شنو مصيري وي هذا

ضلت الباب تندڪ لمدة دقيقة اخر شي سمعت صوتة

.... مريييم ف فتحي الباب

ميزت صوتة وعرفتة مو صارم، معناها هذا الطلي مقدام

ما رديت عليّ واخذت الغطة وتغطيت،

ومن بين دموعي ووجع راسي نمت بسكينة

كعدت مخروعة الصبح ؏ دكت الباب كمت بسرعة وفتحتة، اني وكفشتي وهدومي المبهذلة ودموعي اليابسة ؏ خدودي

جان واكف وجاي يكتب بالتلفون، لمن فتحت الباب واجت عيوني بعيونة، عيونة انفتحت بشكل مفاجئ

چنة نصدم بشكلي، ضل يتأملني واني كلش خجلت نزلت راسي وكتلة

... صباح الخير

هز راسة ورد

... صباح النور، غسلي وتعاي اريدج

هزيت راسي ورحت ركض غسلت وفرجت وعدلت شعري وطلعت

اجت عيوني ؏ الساعة باوعتها ب 11 فد استحيت المفروض كاعدة من وكت انظف خوش خدامة اني هههه

رحت للصالة لكيتة مسوي ريوڪ، هنا لا صدڪ فشلت يعني ؏ شنو جايبني

هو جان كاعد ياكل رفع راسة باوعلي واشرلي اكعد اتريك وياه