لا ادري اضاق صدري
منكَ او عليك....
مِقدام...
بيوم من الايام ڪَ العادة صارم عايف الشغل علية ورايح مدري وين..
طلعت الصبح متوجه للدار علمود اخلص شغلي بشكل روتيني وراجع للبيت وراها
دخلت بعد ما سلمت ؏ العمال الي موجودين
وكعدت بمكتب صارم، اجت العاملة وكالت قبل اسبوع اكو شخص يريد يذب ابنة بدار الايتام
وما دازيلي خبر
كتلها تنطيني معلومات الشخص ورقم تلفونة ادك عليّ
راحت ورجعت وبيدها ملف
اخذتة، والصدمة جانت هنا
الاسم، الصورة
رجعوني ليورررة لذاك اليوم المشؤوم الي ذبوني بي اهلي بدار الايتام
وهسة افترت ووصلت لراس الخيط الي جنت اريدة
اسم الطفل الي يريدون يذبوا يتشابه وي اسم جدي وجدة
بَس بعد ما اعرف اذا صدك يطلع هذا كرايبي او لا
زفرت واخذت نفس ودكيت ؏ صاحب الرقم
طلعلي رجال
.... الوو السلام عليكم
.... وعليكم السلام
.... عفوًا انتَ الشخص الي طلبت تحط ابنك بدار****
.... اي نعم اني، والطفل مو ابني وانما ابن اخوية المرحوم
بديت اتنفس بصعوبة وكتلة بضيق
... تكدر تجي هسة وتجيب الطفل بلة زحمة علمود اشوف الاجراءات اللازمة
... اي طبعًا مسافة الطريق ونكون يمك
سديت التلفون من يمي وادعي يكون هذا الشخص عمي علمود اشرب من دمة
ضليت افكر بين ما يجون، معقولة واحد من عمامي مات ويريدون يذبون ابنة
اي ليش لا مو سووها من قبل، او ليش مات يجوز نفس الما يتسمة ابوي راح تزوج وعافة للناس الما ترحم
حسيت التفكير صدع راسي كمت للمطبخ سويتلي كهوة ورجعت للمكتب
ورة نص ساعة اجت المنضفة
.... استاذ مقدام اجة ابو الولد والولد هم
.... ممتاز... دخليهم
رجعت نفسي ؏ الكرسي وابتسمت
دخل رجال جبير ووياه واحد يطلع عمرة ب 11 سنة
سلم الرجال وكعد
توقعت الطفل صغير ميعبر ال 10 سنوات
.... اهلًا وسهلًا بيكم بالدار
انداريت ؏ الولد وكتلة
.... شلونك يا بطل
رَد بجمود
أنت تقرأ
القارح"عيون الليل"
General Fictionشَربت الى حَد الثمالة في ليلة سوداء لا نورَ فيها سواكِ رجل عصابات وتاجر بالاعضاء يكره المخلوقات اللطيفة(الاطفال) ويحتقر وجودهم بالحياة يسعى الى قتلهم ضننًا منه انه ينجيهم من سوء الحياة تَلعب الاقدار لعبتها ليلتقي بطفلة ويُفاجئ ب انها ابنته فهل سوف...
