نام ب احضان التحبة ولا تكوم
تدري حضن البي وفة شكد دافي♡
حتة لو صاحوك جنت ما دريت
طكها صفنة وسوي روحك غافي...
دخلت للبيت بالليل، ذبيت المفاتيح ع الطاولة ورحت للهول ارتاح تعبان
اليوم صارت هواي شغلات بحيث ما ارتاحيت
دخلت للهول جان الكة مريم مبدلة ويمها جنطة مال سفر
رفعت حاجبي مستغرب سألتها
... شنو هاي الجنطة
كامت بعزم وكلتلي
.... جنطتي
.... خير ان شاء الله حتسافرين؟
.... اي بس لبيت اهلي
.... ليش مو ذاڪ الاسبوع يمهم لو هي حلاوة وبعدين
كتلها واني اباوع ع ساعتي
.... الدنيا ليل خليها باجر ما بية حيل تعبان
هزت راسها برفض وكالتلي
.... دقيقة ما ابقالڪ بهل بيت، لو عدنة سايق جان ما انتظرت حضرتك
خزرتها بقوة، الظاهر انطيتها عين زيادة
.... شوفي مريم لحد الآن اني محترمج خوش، ومرتي ع عيني وراسي بس مال تدوسين بالحجي ادوس ببطنج خوش
بجت وكالت
... اي هو هذا الي انتَ تريدة تدوس ببطني وتوكع ابني
هزيت راسي، وكعدت حطيت راسي بين ادية وبعدين رفعتة وكتلها
... كعدي خل نتفاهم
.... ماكو تفاهم صارم، ابني ما اسقطة
.... كتللللج كعديييي
كعدت درت وجهي عنها وكتلها
.... بتج وين
.... ما ادري
انداريت عليها خزرتها
.... يعني شنو متدرين
.... هو شبيك ما ادري بيها لان التهيت الم هدومي، اخر شي عفتها بالغرفة
.... صدك تحجين؟ تدرين اني ليش جنت مقرر ما اتزوج
.... ليش
... علمود لا اجيب مرة عديمة المسؤولية نفسج، يعني اني لمن عايفج بالبيت واني طالع اتصخممم غيير اني مأمن عايف مرة وراييي
كمت ورحت لغرفة ياس فتحت الباب ما لكيتها بسريرها
.... ياس بابا
رحت توجهت للحمام، دكيت الباب بس الباب اصلا مفتوحة ماموجود احد
.... ياس بابا وينج لتشلعين كلبي والله تعبان
طلعت من الغرفة وتوجهت للصالة وصحت ع الخدامة اجت مخروعة
.... نعم استاذ
أنت تقرأ
القارح"عيون الليل"
General Fictionشَربت الى حَد الثمالة في ليلة سوداء لا نورَ فيها سواكِ رجل عصابات وتاجر بالاعضاء يكره المخلوقات اللطيفة(الاطفال) ويحتقر وجودهم بالحياة يسعى الى قتلهم ضننًا منه انه ينجيهم من سوء الحياة تَلعب الاقدار لعبتها ليلتقي بطفلة ويُفاجئ ب انها ابنته فهل سوف...
