انتَ مـاخذ روحي مني
ياسَبب جَرحـي اليغَنـي
******************
في تلك الليلة عَلمت أَنّكَ مَلاڪ سماوي..... جاءَ لُـ‘ـُ انقاذي من رذيلتي..،
*******************
تقربت اكثر وانتشلت الطفل الي يبجي، عيونه غريبة چنها عيون بزون بالليل لمن تلمع بالظلمة
عيونه او عيونها أسرتني من جمالها، زايد جمالها الدموع الي بيها منطيها نكهة ثانية
هنا سميتها"عيون الليل"
لان التقيت بها في ليلة مُظلمة
وأَسرتني عُـ‘ـُيُـ‘ـُوٌنُـ‘ـُهـُ‘ـُٱ
اخذت الطفل ورحت للبيت اتطوطح ما متزن بمشيتي واخاف اوكع الطفل، صيدة واجت
دكيت الباب لان ما بية حيل اطلع المفتاح، والطفل بيدي هرج الدنيا واني راسي مسطوور
فتحت الباب الخدامة وباوعتلي بغرابة، بدون مقدمات انطيتها الطفل وكتلها
... اني رايح انام ديري بالج ؏َ الطفل الصبح اشوفة خوش؟
... اي استاذ خوش
رحت لفراشي ونمت بعمق لو تطك بصفي عبوة ما احس
كعدت الصبح ؏َ ازعاج الخدامة
... استاذ اكعد، اجة استاذ مقدام يريدك
بالگوة فتحت عيوني وكتلها
... ايي هسة ﺟاي
گمت واني بعدني نعسان رحت غسلت بدون نفس ونزلت صبحت ؏َ مقدام
... شكوو شبيڪ من الصباحيات شنو حلمان بية
... مو صوچڪ صوجي اني المطي الي اجيت من الصبح انطيك الربح
... بهاي صدگت
... شنو هيَ؟
... انُ انت مطي
... صارم بربك ترا نعسان منايم اريد انطيك فلوسك واولي مالي خلڪ سوالفك
... لازم البارحة چنت متونس وحفلة
... لك اييي غير البارحة لمن رحت نزلوا وراڪ صواريخ خلونا للصبح
... هسة عوف هذا الحجي واحجيلي بالمفيد
... ها اي اي، هاڪ
اخذت الفلوس وكتلة
... تتريڪ لو رأسا تروح؟
... شنو مراح تحسب الفلوس؟
... عيييب عليك ما بيناتنة هل حجي
ابتسم وكال
.... صدڪ شراح تسوي ؏َ سالفة خليفة مراح ترجع السلاح؟
..... اكيد راح ارجعة بس اريد احظة بي بالاول، من زاغور لُـ‘ـُ زاغور ما تدري بي وين يختل
أنت تقرأ
القارح"عيون الليل"
قصص عامةشَربت الى حَد الثمالة في ليلة سوداء لا نورَ فيها سواكِ رجل عصابات وتاجر بالاعضاء يكره المخلوقات اللطيفة(الاطفال) ويحتقر وجودهم بالحياة يسعى الى قتلهم ضننًا منه انه ينجيهم من سوء الحياة تَلعب الاقدار لعبتها ليلتقي بطفلة ويُفاجئ ب انها ابنته فهل سوف...
