تصويتتتت
شگد چان دربك يوجع وماشيتك .
رحنا لبيت خليفة وبعد دگ تحقيقات وي زوجتة
اقرت بذنبها
كعدت بالكاع تبجي وتحجي
... اي ايي اني ذبحت بتي لان جنت ع مشاكل وخلافات وي ابوها وخفت لا يعرفني ف ذبيتها براسك لان ادري بي شكد يكرهك
... زين هم انت متفقة وي الجماعة الي انطيهم الاعضاء؟
... اي اتفقت وياهم
.... زين اني الادري بي ماعندج هلكد فلوس علمود ترشيهم، منين جبتي الفلوس؟
باوعتلي وعيونها حمرة فهمت قصدها درت وجهي ومسحتة قوي ب اثنين ادية
دنڪت عليها وكتلها بصوت قاسي ولهجة حادة
.... مهما جان الخلاف الي بيني وبين خليفة بس ما اتمنالة وحدة ....... مثلج
عفتها وكمت، اجة مقدام وراية وكال
... هسة شراح تسوي؟
.... مراح اسوي شي بس اقدم هل تسجيل ل خليفة
حجيت واني اطلع موبايلي، وكملت
.... وهو يشوف شغلة مهما تكن هاي مرتة واحنة مالنة سلطة عليها
~~~~~~~~~~~~~~~~~~~~~~~~~~~~~~~~
صباح بس مو مثل اي صباح، الصباح العراقي الة نكهة غير شكل
خصوصا اذا جان بالشتة والجو ينقط وفاتحين الشباك وتجيك نسمات الهوة تداعب وجهك الحار
مع رائحة الچاي المهيل الي صدك يبدي بي الصبح
نزلت ترڪض ع الدرج ک عادتها هي وضفايرها وحدة من جهة اليمنة ووحدة من جهة اليسرة
وي تنورتها المقلمة وقميص المدرسة الابيض الي زايدة جمالها وبرائتها
وصاحت وهي تنزل
.... بااابااا ويينك
هو جان واكف بكل شموخ ع شباك الصالة المؤدي للحديقة مالتهم
فاتح الشباك والنسمات تتسابق علمود تملئ مسامات وجهة بالبرودة
وهو يتأمل الحديقة بشرود وڪأنة منقطع عن هذا العالم بأسرة عندة عالم الخاص ب "صارم"
اندار وهو يبتسم لبنتة لمن سمع صياحها وهي تنادي عليّ
فتح ادي علمود تجي هي مثل الطلقة وتدخل بحضنة
أنت تقرأ
القارح"عيون الليل"
General Fictionشَربت الى حَد الثمالة في ليلة سوداء لا نورَ فيها سواكِ رجل عصابات وتاجر بالاعضاء يكره المخلوقات اللطيفة(الاطفال) ويحتقر وجودهم بالحياة يسعى الى قتلهم ضننًا منه انه ينجيهم من سوء الحياة تَلعب الاقدار لعبتها ليلتقي بطفلة ويُفاجئ ب انها ابنته فهل سوف...
