تَائها في متَاهة ،مِن صُنع يَداي.
كاعدة وهو نايم على رجلية واني صافنة على الحجي الي كالة وكاعدة استذكرة
.... بعد ما عرفت انو المضمد ماخذي بتهمة القتل ما اهتميت ورجعت ادور شغل
بيوم من الايام جنة ندور ع شغل اني وكم واحد من المجموعة
طبكت بصفنة سيارة سودة عالية نزل منها واحد طويل واسمر ولابس مناضر سودة
اجة علينا وحط ايدة ع راسي وكال
.... شلونكم حبايب، وين اهلكم
اني خزرتة وجاوبتة
.... ماعدنة اهل
ابتسم وكال
... تجون وياية، عندي بيت واكل ويكفيكم كلكم واي شي يجي يمكم
جاوبة واحد منة وكلة
.... بس احنا عددنا هواي
... اي ميخالف اخذكم كلكم
... لا منريد
هيج جاوبتة
باوعلي وكال
.... انت قائدهم
وخرت ايدة وكتلة
.... اي
كلي
.... ماشي بكيفك، بس اذا غيرت رأيك اتصل بية
طلع من جيبة بطاقة انطاهة الي وقبل ليصعد
كال
.... منتظركم
عافنا وراح، لمن رجعنة ضميت البطاقة والكل وكف ضدي كلها تريد تروح وي الرجال واني اعرف ماكو شي بدون مقابل الا يريد شي منة
والي متأكد منة شي مو زين
ثاني يوم هم طلعنا ندور شغل فجأة صاح واحد
.... هذاك هذاك
اندارينة وشفناه يأشر ع واحد، كتلة
.... منو هذاك شبيك؟
... هذاك الي فشخ صاحبنة وموتة والله هذاك
باوعت عليّ وكتلة
.... متأكد؟
.... اي والله
اكو كم واحد هم ايدو بالكلام
أنت تقرأ
القارح"عيون الليل"
General Fictionشَربت الى حَد الثمالة في ليلة سوداء لا نورَ فيها سواكِ رجل عصابات وتاجر بالاعضاء يكره المخلوقات اللطيفة(الاطفال) ويحتقر وجودهم بالحياة يسعى الى قتلهم ضننًا منه انه ينجيهم من سوء الحياة تَلعب الاقدار لعبتها ليلتقي بطفلة ويُفاجئ ب انها ابنته فهل سوف...
