القارح"عيون الليل"

part-6-

الليلة مِن دون اللَيالي نريَدكُم .

ببداية جيتي لهذا البيت المشؤوم جنت اندب حظي دائما
هذول عصابات شلون اجيت وكعدت بنصهم

بس العَتب الوحيد ؏ امي الي قبلت بتها تنحط بهيج مستنقع

بيوم من الايام ڪ العادة جنت جاي انظف وارتب بالبيت استاذ صارم كلش يشدد ؏ نظافة الاشياء

بالبدلية جان ميقبل اهتم ب اشيائة مثل الهدوم والغرفة وغيرها

هو جان ينظف كل شي بيدة، بس لمن تعود علية وشاف امكانياتي بالتنظيف وكّلي مهمة هدومة وغرفتة

وهل شي زاد صعوبة بالتدريج، لان ؏ كلشي يدقق

مثل مرة جنت جاي اعزل بالغرفة وجنت ستوني ماسحتها وهو دخل

انداريت علي ورجعت اكمل شغلي

بدة يفتر بالغرفة ويدقق ؏ شغلي واني مستمرة اعزل

... هاي ليش هيج هنا

انداريت ؏ صوتة ورحت وكفت بصفة واشوف ؏ شنو جاي يحجي

باوعت ولكيت يأشر ؏ الطبلة

... شبيها استاذ صارم

... شنو مجاي تشوفين التراب الجواها، سحبيها ونظفيها

هزيت راسي ورحت سحبتها ومسحت جواها ورجعتها

وهو مستمر يباوع ويدقق، اخر شي اتوصلة هو انُ امسح جوة الجرباية

ذبيت نفس شنو ممكن اسوي علمود يرضة، بس جاي اتعب هواااي هواي

وب اعتبار اني خدامة ف ملازم افتح حلكي بكلمة

جرينا الجرباية وبديت امسح جواها، الا ان تعبت هو شافني تعبت كال

.... ها هي بوية روحي رتاحي

اني ما صدكت راسا ركض لغرفتي وللحمام

ورة ما سبحت رحت انام رأسا

هاي واحد من المواقف الي اتذكرها دائما، وراها كمت اعزلها عادي واذا اكو اي ملاحظات هو يمسح ميصيحني

كعدت من نوبة شرودي ؏ صوت صارم

... نعم استاذ صحتني

طبعا كام ميقبل اصيحلة صارم كُلة استاذ

... اي، اليوم عندي طلعة كلش مهمة يمكن ابقة اسبوع، لذلك لمي اغراضج المهمة اوصلج ل اهلج قبل لا اروح