خبزاتي شلونجن؟
يعني ما اعرف شنو اكول بس تفاعلكم ابد مو حلو
اني جاي اتعب واكتب واخذ من وكتي
واني عندي دراسة، وجاي احاول اكون منضبطة ع الموعد وانشر بين يوم ويوم
ف الي اريدة تصوتون
مو تشوفون وتغلسون
والي يصوت يا واحد يا اثنين
اني هم تعبت واريد قصتي تصعد مو بس مشاهدات
وبس هواي حجيت
احبكم
*************
When the whole world abandons you... I'll always be around
ركضت بسرعة واني مفجوعة على بنتي الي ما لحكت اشبع منها
وصلت للصالة وشفت الكزاز متناثر على الكاع بطريقة تدب الرعب بداخلي
خفت لا بنتي واصلتها وحدة
صرت اصرخ بصوت عالي
.... يااااس ياااس ماما جاوبيني
وكعت بالكاع لان احس رجلي بعد ما اسيطر عليها واوكف
سمعت صوت وراية
... مدام
.... الله يااااخذني شتريدين؟
.... ياس بالغرفة
كمت بسرعة وكتلها بلهفة
.... بس بس اني عفتها هنا
.... اي صح مدام، بس هي نامت ف شلتها للغرفة
.... يعني هي ب امان ما بيها شي بنتي احجييي
هدتني وكالت
.... لا مدام ما بيها شي اهدي، خابرت ع استاذ صارم كال راح يدز مقدام النا
هزيتلها راسي واني دايخة
اجيت اروح ما احس الا الباب تفلش من الدڪ، وصوت واحد يصيح
.... فتحوووا الباب لا اطكة چيلة وادخل عليجن
خفت كلش منه هذا شيريد
اخذت الخدامة ودخلنا بالغرفة الموجودة بيها ياس وسدينة الباب
اخذت التلفون واني ارجف اريد بس اسيطر علمود اخابر مقدام ماكو ما اكدر
اخذت الخدامة التلفون وتتصل علي ميجاوب، بعدين طلعلها مغلق
هنا وكع كلبي، كلت هاهية راح نموت
ما سمعت الا حس طلقة صار وصوت هبدة قوية عرفت كسروا الباب
كعدت بالكاع ارجف وابجي، والخدامة وياية
اني كل هذا استغربت لا الجوارين تدخلوا ولا اجة امن او شرطة!
أنت تقرأ
القارح"عيون الليل"
General Fictionشَربت الى حَد الثمالة في ليلة سوداء لا نورَ فيها سواكِ رجل عصابات وتاجر بالاعضاء يكره المخلوقات اللطيفة(الاطفال) ويحتقر وجودهم بالحياة يسعى الى قتلهم ضننًا منه انه ينجيهم من سوء الحياة تَلعب الاقدار لعبتها ليلتقي بطفلة ويُفاجئ ب انها ابنته فهل سوف...
