Uni
ဆေးခန်းမှာ အစ်ကိုဖြစ်သူကို အလုပ်တွေကူလုပ်ပေးနေပေမယ့် ခင်ထွေးမွန်စိတ်တွေက ဆေးခန်းမှာမရှိ ။ ညနေစောင်းကိုသာ မြန်မြန်ရောက်စေချင်နေသည် ။
ငေးငေးငိုင်ငိုင်ဖြစ်နေတဲ့ ညီမကို မင်းလွင်သတိထားပြီးကြည့်နေမိသည် ။
စားပွဲခုံကိုလက်ထောက်ကာ ခေါင်းကို ဟိုဘက်စောင်းလိုက် ၊ ဒီဘက်စောင်းလိုက် ၊ အပေါ်မော့လိုက် ၊ အောက်ပြန်ချလိုက်လုပ်နေသည့် ထွေးကိုကြည့်ကာ မင်းလွင်ခေါင်းကိုကုတ်နေမိသည် ။
" ဟဲ့ အငယ်မ "
" ရှင် အစ်ကို "
" နင် ဘာတွေများ အဲ့လောက်ထိတွေးတောနေတာရတာတုန်း "
" မကံ့ကော် ...သြော် ယောင်လို့ ..ကံ့ကော်ပန်းတွေမနေ့က ဘုရားကိုကပ်ဖြစ်လားလို့ပြန်စဥ်းစားနေတာ .... "
" ငယ်ငယ်ရွယ်ရွယ်နဲ့ သတိတွေကောင်းနေတာပေါ့ "
" အဟီး "
ထွေး အစ်ကိုဖြစ်သူကို ပြုံးပြလိုက်သည် ။
ညနေစောင်းလို့ ဆေးခန်းပိတ်ချိန်ရောက်တော့ ထွေးမျက်နှာက ပြုံးပျော်နေသည် ။
မင်းလွင်ကတော့ သူ့ညီမကိုကြည့်ပြီး ခေါင်းကိုသာခါရမ်းလိုက်သည် ။
" ဟဲ့ အဲ့ဒါငါ့နားကြပ်ဟ ..." မင်းလွင် အလန့်တကြားအော်လိုက်သည် ။
အမှိုက်ပုံးထဲထည့်ဖို့လုပ်နေတဲ့ လက်ထဲကပစ္စည်းကို ခင်ထွေးမွန်ပြန်ကြည့်လိုက်သည် ။ နောက်မှ မင်းလွင်ကိုရှက်ပြုံးပြုံးပြကာ နားကြပ်လေးပေးလိုက်သည် ။
" တစ်နေကုန် ဘာတွေဖြစ်နေမှန်းကိုမသိဘူး " မင်းလွင် ထွေးခေါင်းကို ခပ်ဖွဖွလေးခေါက်လိုက်သည် ။
ထွေးကတော့ မျက်လုံးလေး ပေကလပ်ပေကလပ်သာလုပ်နေသည် ။
အိမ်ပြန်ရောက်တော့ ထွေး အခန်းထဲမှာ အဝတ်အစားလဲလိုက်သည် ။ အဝတ်စားလဲပြီး
ထွေးဗိုက်ဆာနေတာကြောင့် ထမင်းစားခန်းထဲဝင်လိုက်သည် ။ စားပွဲပေါ်ကိုကြည့်လိုက်တော့ လေးဆင့်ချိုင့်တစ်လုံး..
" မေမေရေ.. ဒီချိုင့်ထဲက ဘာတွေလဲဟင် " ထွေးအော်မေးလိုက်သော်လည်း အမေဖြစ်သူကဘာမှပြန်မဖြေ ။
" အမေကလည်း ဘယ်သွားနေမှန်းကိုမသိဘူး " နှုတ်ခမ်းလေးစူကာပြောလိုက်သည် ။
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
