Uni
" အိမ်ရှင်တို့...၊ အိမ်ရှင်တို့ ရှိကြလားဗျ "
ကိုကိုဦး ခင်ထွေးမွန်တို့ခြံရှေ့တွင် ရပ်၍အော်နေခြင်းဖြစ်သည် ။
ခြံရှေ့ကအသံကြောင့် ဒေါ်ခင်ခင်ခြံတံခါးဆီသို့လာလိုက်သည် ။
" ဘယ်သူနဲ့ တွေ့ချင်လို့လဲ "
" ကျွန်တော် ခင်ထွေးမွန်နဲ့ တွေ့ချင်လို့ပါ ဒေါ်ဒေါ် "
" သားက ဘယ်သူလဲကွယ့် ။ စိတ်တော့မရှိပါနဲ့ ။ အထွေးက အခုတလော ဘယ်သူနဲ့မှမတွေ့ချင်ဘူးလို့ပြောထားလို့ပါ "
" ခင်ထွေးမွန်ကို ကံ့ကော်လှိုင်နဲ့ပတ်သတ်ပြီး ကျွန်တော် ပြောပြစရာလေးတွေရှိလို့ပါ ။ ခင်ထွေးမွန် သိထားသင့်တဲ့အရာလေးတွေကို ပြောပြချင်လို့ပါ "
ဒေါ်ခင်ခင် ကိုကိုဦးကို အကဲခတ်ကြည့်လိုက်သည် ။
" အင်း.. ၊ ကံ့ကော်လှိုင်နဲ့ပတ်သတ်ပြီး အထွေးက တော်တော်လေးစိတ်ဆင်းရဲနေရှာတာ ။ ကဲပါ.. မင်း အိမ်ထဲဝင်ခဲ့ပါ "
ဒေါ်ခင်ခင် ကိုကိုဦးအား ဧည့်ခန်းထဲအထိ ခေါ်လာခဲ့လိုက်သည် ။
" ဒီမှာ ခဏ ထိုင်ပါဦးကွယ် ။ ဒေါ်ဒေါ် ခင်ထွေးမွန်ကို သွားခေါ်လိုက်ဦးမယ် "
ကိုကိုဦး ဧည့်ခန်းထဲက ထိုင်ခုံတစ်ခုပေါ်ကို ဝင်ထိုင်လိုက်သည် ။ ခဏကြာတော့ ဒေါ်ခင်ခင်နှင့် ခင်ထွေးမွန်တို့ ဧည့်ခန်းထဲသို့ရောက်လာကြသည် ။
" တွေးတို့တွေကြားမှာ ဘာများပြောစရာရှိသေးလို့လဲ "
ခင်ထွေးမွန် ကိုကိုဦးနှင့်မျက်နှာချင်းဆိုင်ထိုင်ခုံတွင် ဝင်ထိုင်လိုက်သည် ။
" ထွေး သိသင့်တယ်ထင်တာလေးတွေကို ကျွန်တော်ပြောပြချင်လို့ပါ "
" ထွေးတော့ ဘာကိုမှ ထပ်မသိချင်တော့ဘူး "
ခင်ထွေးမွန်အသံက အရာရာကို အရှုံးပေးထားသည့်နှယ် ။
" ကျွန်တော့်ကို အချိန်နည်းနည်းပဲပေးပါ ။ ကျွန်တော့်စကားတွေကို နားထောင်ပြီးရင် ထွေးနဲ့ဒေါ်ဒေါ်တို့ ကြိုက်သလိုဆုံးဖြတ်ချက်ချကြပါ "
" ကောင်းပါပြီကွယ် ။ သားပြောတာတွေကို ဒေါ်ဒေါ်တို့ နားထောင်ကြည့်ပါ့မယ် "
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
