مش مهم كنت ملتزم ازاي زمان وبتحضر لمين من المشايخ، المهم النهاردة التزامك عامل ازاي، وتدينك ظروفه إيه ؟!🏃♂☘💜💜...
د/ محمد الغليظ☘💜.
_______________________
الاول: احب القطط اللى بتخربش يا ولسه بيكمل كلامه لقي نفسي ع الارض وكان هذا جاسر وضرب التاني عدة لكمات، والاول قام من ع الارض وضرب جاسر بالمطوة ف ضهرة وطلع يجري هو وصاحبه وجاسر وقع ع الارض.
ومليكة وهاجر جريوا عليه وفضلوا يصرخوا والناس اتلمت عليهم وطلبوا الاسعاف وجت وهاجر ومليكة ركبوا معاه، هاجر بدموع: انت هتبقي كويس انا معاك.
وصلوا المستشفي والدكاتره اتجمعوا عليه ودخلوه اوضه العمليات. وهاجر ومليكة ميتنين بره، وبعد نص ساعه خرج الدكتور وقال: احنا محتاجين كيس دم لانه فقد دم كتير ومش متوفر عندنا فصيلةالدم بتاعته
مليكة: طب وفصيلته اي
الدكتور: O سالب ودي فصيلة نادرة
هاجر: انا فصيلتي O سالب خدوا مني بس هو يقوم
الدكتور: ماشي وشاور للمرضه تاخد عينه من هاجر وتحللها علشان لو فيها ميكروبات وتنفع ولا لأ، وفعلا طلع انه يصلح ياخد منها واتبرعت هاجر لجاسر بكيس الدم.
ومليكة فضلت مع هاجر لانها تعبت لان خدوا منها دم كتير
وفضلوا مستنين بره وهاجر عيونها مركزة ع اوضه العمليات، وبعد 8 ساعات لحد ما الدكتور، واول ما هاجر شافته جريت عليه: هو كويس مش كدا
الدكتور: الحمدلله قدرنا نوقف النزيف وهو ساعات ويفوق، بس حضرتك تقربي للمريض اي.
هاجر: انا انا ابقي خطيبته
مليكة بصت بحزن وساكته
الدكتور: ماشي، متقلقيش هو هيبقي كويس، بس ممكن تروحي تسجلي بيناته ف الاستقبال وتدفعي المصاريف
مليكة: انا هروح خليكي انتي هنا لانك تعبانه
الدكتور: تمام عن اذنكم ومشي
هاجر: تعبتك معايا، انا هتصل ع حد من اهلة يجي يشوفه
مليكة بحزن: ولا تعب ولا حاجه هروح واجي
ومليكة راحت الاستقبال واديتهم بيناته ودفعت مصاريف المستشفى ورجعت لهاجر.
هاجر: انا اتصلت ع رقم والدته ومردتش عليا
مليكة: ممكن تكون مشغوله وتبقي تشوف وترن
وبعد ساعتين نقلوا جاسر اوضه عاديه والدكتور دخله يطمن عليه وطلع: هو فاق جوا
هاجر: طب ممكن ندخل ليه
الدكتور: اه بس متطولوش عليه لانه لسه تعبان
هاجر ومليكة دخلوا ليه بسرعه، هاجر بدموع: حمدلله على سلامتك
جاسر بتعب: الله يسلمك
مليكة: حمدلله على سلامتك يدكتور
جاسر: الله يسلمك يا انسه مليكة
هاجر: انا اتصلت من موبايلك ع والدتك بس هي مش ردت وهنا الفون رن وهاجر ردت، نرمين: اي يجاسر معلش معرفتش ارد عليك كنت مع نورين
هاجر: انا مش الدكتور جاسر، انا طالبه عنده وهو ف المستشفى.
نرمين بفزع: اي مستشفي هو حصله اي، اديني اسم المستشفى بسرعه
هاجر: اهو*******، وقفلت معاها
جاسر: تعبتكم معايا
هاجر: متقولش كدا، احنا المفروض نشكرك ع وقفتك معانا
جاسر بابتسامة: دا وجبي واللى يجي جمبك اموته
هاجر بصت ليه وسكتت
مليكة: انا همشي بقي لاني اتأخرت
هاجر: ماشي، وانا هفضل هنا لحد ما طنط تيجي واتصل ع بابا اقوله اللى حصل
مليكه: ماشي سلاام
هاجر: سلاام
