"110/70"
"ညဘက်တွေမအိပ်ဘူးလားအန်တီ""အိပ်ချင်စရာမကောင်းဘူး"
"အိပ်ဆေးပေးခဲ့မယ်လေ ...သွေးပေါင်ကျနေတာမကောင်းဘူး"
"ပေးချင်ပေးခဲ့ ဝီစကီနဲ့တည့်ရင်ရပြီပေါ့"
ကပ်လန့်ပြန်ပြောသည့်စကားသံကြောင့် ကျွန်မသူ့ကို မော့ ကြည့်လိုက်မသည်။သူမသည် အသက်အရွယ်နှင့်မလိုက်အောင်နုပျိုနေသည်။မျက်နှာ ကိုအရင်ကထက်အနီးကပ်မြင်ရသဖြင့် ကျွန်မနှလုံးခုန်မြန်လာသည်။
"ကြည့်လို့မှကောင်းရဲ့လား"
"ရှင်"
"မင်းတို့ကိုကြည့်နေတာကြာပြီ"
"မနေ့ကလည်းကြည့်တယ် ....မျက်နှာမှာဘာရှိလို့များလဲ""မရှိပါဘူး....ဒီတိုင်း"
"ဒီတိုင်း.....ဒါဆိုလည်းမကြည်နဲ့လေ အကြောင်းပြချက်မရှိဘဲ တို့မျက်နှာတစိမ့်စိမ့်ထိုင်ကြည့်နေရအောင် မင်းနဲ့ကမဆိုင်ဘူးမလား"
ကျွန်မစိတ်ထဲ တမျိုးပင်။ဒီအမျိုးသမီးသည်နားလည်ရခက်သည်။ထို့ထက် အခုလိုကိုတည့်ပြောချသည်က ပိုဆိုးသည်။
နည်းနည်းမှမျက်နှာမလွှဲပဲ ကျွန်မအားစိုက်ကြည့်၍ပြောသည်။"နွယ်......မင်းတို့ကို အစာမစားလို့ရတဲ့ဆေးများရှိရင် ပေးခဲ့စမ်းကွယ်"
"အစာမစားလို့တော့ဘယ်ရပါ့မလဲ အန်တီအရက်ပဲသောက်နေရင် ကျန်းမာရေးထိခိုက်လိမ့်မယ်"
ဒေါ်ညှို့ခက်သွယ်သည်ကျွန်မအား မျက်ခုံးပင်ကာ ဂရုမစိုက်သည့်အမူအယာလုပ်ပြသည်။ထို့နောက် ကျွန်မလှုပ်ရှားမှုတိုင်းအားစိုက်ကြည့်နေပြန်သည်။
အိပ်ဆေးနှင့်အစာစားချင်စိတ်ဖြစ်အောင် ဆေးတမျိုး ၊အစာအိမ်ထိမှာစိုး၍ဆေးတမျိုး။ပလက်စတစ်အိတ်အကြည်ဖြင့်ထည့်ကာ နေ့ /ည ရေးနေသည်ကို စီးကရက်တလိပ်အားခဲ၍စိုက်ကြည့်လေ၏။
"ဒါက မနက်ဆေး.....ဒါကည ။နေ့လည်တော့မလိုဘူး။အန်တီအစာစားပြီးမှသောက်နော်"
"အင်း"
"အရက်တေသိပ်မသောက်ပါနဲ့လား ကျန်းမာရေးထိခိုက်တယ် "
YOU ARE READING
"ညှို့"
Romance"ဒေါ်ညှို့ခက်သွယ် ဟာကျွန်မကိုနမ်းသည်" "ချစ်တယ်လည်းမပြောပါပဲ ...." "ပိုင်စိုးပိုင်နင်းနဲ့"