"အမ နွယ့်ကိုပြောစရာရှိလို့"
"ဘာများလဲအမ"
"ဒေါ်ညှို့ခက်သွယ်ကိုအရက်မသောက်ဖို့ နွယ့်ကိုပြောပေးစေချင်တယ်"
"သူအခြေနေသိပ်မဟန်ဘူး"
"နွယ်နဲ့တော့ရင်းနှီးနေပြီထင်လို့"
"အန်တီကဘာဖြစ်လို့လဲအမ"
"ဘာဖြစ်မလဲလေ အရက်ကော၊စီးကရက်ကော နှပင်လိမ်နေမှတော့ သူ့အသည်းတေ၊အဆုတ်တွေဘယ်ကောင်းတော့မှာလဲ"
"ဒါကို သိသိရက်နဲ့ဆက်သောက်နေတာ"
"နွယ်လည်းမသိရပါလားအမ ဘယ်ကတည်းကဖြစ်နေတာလဲ"
နွယ်ဖတ်လက်စစာအုပ်အားကမန်းကတန်းချကာ အမပြောမည့်စကားအားနားစွင့်နေသည်။နွယ်ရောက်ကတည်းကဒီအကြောင်းကိုဘယ်သူမှမပြောဖူးကြ။
"နွယ်မလာခင်ကတည်းက ဖြစ်နေတာပဲ"
"နောက်ပိုင်းပြောမရတော့အမလည်းလွှတ်ထားလိုက်တာ ဟိုတနေ့ကဦးကြီးကလာပြောတယ် ချောင်းဆိုးပြီး သွေးတေပါတယ်တဲ့ သူ့ဘာသာကြိတ်ခံစားနေသလိုပဲ"
"ဒါတွေနွယ့်ကိုဘာလို့မပြောကြတာလဲ"
"နွယ်အန်တီ့ဆီသွားရင်လည်းဘာမှမဖြစ်သလိုပဲ"
"နွယ့်အပေါ်ဟန်ဆောင်ကောင်းလိုက်တာ"
ရင်ထဲမှအပူများနှင့်အတူ အန်တီရှိရာသို့ပြေးထွက်လာမိသည်။ဒီအမျိုးသမီးဟာ သန်မာချင်ယောင်ဆောင်နေတာ။နွယ့်အပေါ်ဟန်ဆောင်နေခဲ့တာ။နွယ့်လောက်တုံးတာလည်းနွယ်ပဲ။ဆရာဝန်တယောက်ဖြစ်နေပါလျက် ဒါကိုအရိပ်အယောင်တောင်မမြင်ခဲ့ရသလား။နွယ်ကိုယ့်ကိုယ်ကို ဒေါသဖြစ်လို့မဆုံး။
ခြံတခါးအားအတင်းတွန်းဖွင့်ကာ ဦးကြီးအမေးကိုမစောင့် နွယ်အိမ်ထဲသို့ပြေးဝင်လာမိသည်။အရင်အတိုင်းပဲ နွယ့်အပေါ်ဟန်ဆောင်နေဆဲ။ပြတင်းပေါက်၌ စီးကရက်ဖွာနေဆဲ။နွယ်အားဘာမျှမဖြစ်သလိုမထုံတပေးကြည့်သည်။
နွယ်ထိုအမျိုးသမီးအား ပြေးဖက်လိုက်သည်။နွယ်သာကြိုသိခဲ့လျှင်ပိုသက်သာအုံးမည်။ဆရာဝန်တယောက်အနေနဲ့ သွေးအန်တာကအစနွယ်ရိပ်မိခဲ့လျှင်ကောင်းမည်။
"လွှတ်စမ်း နွယ်..မင်း"
"နွယ့်ကိုဘာလို့များမပြောခဲ့ရသလဲ"
"နွယ့်အပေါ်ဟန်ဆောင်နေခဲ့တာ"
"နွယ်.."
YOU ARE READING
"ညှို့"
Romance"ဒေါ်ညှို့ခက်သွယ် ဟာကျွန်မကိုနမ်းသည်" "ချစ်တယ်လည်းမပြောပါပဲ ...." "ပိုင်စိုးပိုင်နင်းနဲ့"
