“ආ-ඡාන්, දැන් ඔයාට කොහොම ද?“ ශුආන් ලූ සිය සුළු සොහොයුරාට* උපකාර කරමින් ඔහුට බීමට ජලය ස්වල්පයක් ලබාදෙන අතරේ කණස්සලුසහගත හඬකින් කීවා ය. “දැන් හරි. ඔයාට හදිසියේම කතාකරපු එකට මට කණගාටුයි.“ ශ්යාඕ ඡාන් ඔහුගේ වේදනාව තැවරුණු ස්වරයකින් කීවේ ය.
“මොකද වුණේ? කොහොම ද මේ වගේ දෙයක් වුණේ? “ ඈ ඇසුවා ය. “ආහ්... මම උයද්දි ටිකක් පරිස්සම් වුණේ නැහැ.“ යි ශ්යාඕ ඡාන් බොරු කී අතර ඇය වෙත සිනහසී ඇයව සැනසීමට උත්සාහ කළේ ය. ඔහුගේ පිළිස්සුණු අත ශීතල වෙළුමක් යොදමින් ඔතන ලද වෙළුම් පටකින් ආවරණය වී තිබුණි. සිය කුඩා සොහොයුරා ඔහුට කිසි ලෙසකින් හුවමාරු කරගත නොහැකි යමක් සඟවමින් සිටින බව ශුආන් ලූට හැඟිණි.
එනිසා ඇය සුසුමක් සමගින් “ආ-ඡාන් මතක තියාගන්න, ඔයාට කොයිම වෙලාවකදී හරි උදව්වක් ඕනෙ කියලා, මොන වෙලාවකදීමවත් හිත හිත ඉන්න එපා, හරිද?“ ඇගේ වදන්වලට සිනහසුණු ශ්යාඕ ඡාන් හිස වැනුවේ ය. “ගොඩක් ස්තුතියි, ලූ ජියේ“ ඔහු කීවේ ය.
“ඒක නෙවේ, ඔයාගේ මහත්තයා කෝ?“
ශ්යාඕ ඡාන් මදක් හැකිළුණු නමුත් නැවතත් සිනහවක් සමගින් ඉක්මනින් යථා තත්ත්වයට පත්වුණේ ය. “ඔහ්, එයාට මේ ටිකේ ටිකක් වැඩ වැඩියි. එයා බිස්නස් ට්රිප් එකක් ගිහින්.“ ඔහු තුළ වූ වංකබව ඔහුව පණපිටින් ගිලදමමින් සිටි අතර සිය වැඩිමහල් සහෝදරියට බොරු කීම නිසාවෙන් ඔහුට අපහසුබවක් දැනිණි. සත්ය වශයෙන්ම, ශ්යාඕ ඡාන්ගේ සහ වන්ග් යිබෝ විසල් මතගැටුමට පසුව අද වනතුරු වන්ග් යිබෝ සති දෙකක් යනතුරු නැවත පැමිණියේ නැත. එලෙසින්ම ශුආන් ලූ සෑම දින දෙකක් පාසාම ඔහුව පරීක්ෂා කරමින් ඔහුගේ පිළිස්සුමට ප්රතිකාර කිරීමට උදව් කරමින් සිටියා ය.
“එයා ටිකක් කල් ගන්නවා වැඩි වගේනේ?“ තම අයි වර්ගයේ ජංගම දුරකතනය පරීක්ෂා කරමින් නැගී සිටි ඈ ප්රකාශ කළා ය. “අයියෝ! පෙයි මට කතා කරනවා එයාව ගන්න එන්න කියලා. මට සමාවෙන්න ආ-ඡාන්“
“ඒකට කමක් නෑ, ලූ ජියේ. මම ඔයාව දොර ළඟට ඇරලවන්නම්. පෙයිට මං එයාව මතක් කළා කියන්න.“
“අනිවාර්යයෙන්ම!“ ශුආන් ලූ සිනහසුණු අතර දෙදෙනාම ප්රධාන දොරටුව අසලට පියනැගූහ. “පරිස්සමින් ඉන්න“පි කියූ ඔහුගේ සොහොයුරිය ඔහුව උණුසුම් අන්දමින් වැළඳ ගත්තා ය. ආහ්. ඔහුට උණුසුමක් දැනී බොහෝ කල් ගතවී තිබුණි. ඒවනවිටත් සති දෙකක් වූ අතර යිබෝ එතෙකුත් යළි පැමිණියේ නැත. එකදු ඇමතුමක් හෝ කෙටි පණිවුඩයක් හෝ නොවීය. ශ්යාඕ ඡාන් තවමත් ඔහුගේ ආහාර සැකසූ අතර නැවතත් වරක් කඩදාසි කොකුන් සෑදුවේ ය.
YOU ARE READING
1438 -- Sinhala Translation
FanfictionAll credits of the story must go to the real owner of the story. @Endless_Infinity I'm just translating it into Sinhala. විවාහ වූ යුගලයන් අතර පවා මතභේදාත්මකභාවයන් සහ ගැටුම් පවතී. වන්ග් යිබෝ සහ ශියාඕ ඡාන් ඉන් බැහැරට අයත් වූවෝ නොවූහ. (SHORT STORY) *J...