#ولدك_يابلادي
الحلقــــــــــ(14)ــــة
اعتدال ...... مدامك نايض خيره ماتفتحش 😳 خشيت لقيته مقعمز قدام اللاب توب لا بس شورت ومش لابس تشرت من فوق وداير السماعات ويضحك وفي اللاب توب بنت شقرا لابسه روب وتضحك حتى هي 😨😠
اياد ...... طلعتلي في الكاميرا وراء تلفتت 😳 بسم الله كيف خشيتي هنى
اعتدال ..... خزي قليل ادب حقير وتلفتت طلعت من الدار
اياد ..... حطيت السماعات وطلعت ورها بسرعة ،، شديتها من يدها اعتدال خيرك ؟ شن قلتي توا ؟؟؟
اعتدال .....😒 نشوف لمنظره شيء
اياد ....... شفت لروحي ، كنت ندوش وطلعت على الاتصال فتحت طول يلي كنت نكلم فيها تخدم معاي راهو
اعتدال ...... نفضت يدي منه تيي فكنا بلا كذب بالله عليك الفرخة في روب ويقولي تخدم معاي
اياد ...... هههههه روب شن والله الا قفطان واساسا هي برا تكلم فيا كيف طالعه في روب ؟؟؟؟
اعتدال ..... تي روح كان هذا قفطان اروبها كيف املاه
اياد ...... ههههههه والله العظيم الا قفطان هكي لبسها ديما شديت يدها تعالي كان مش مصدقتيني تعالي نعرفك علها
اعتدال ......😒 مانبيش
اياد ......جبدتها وخشيت بيها للدار
اعتدال ..... فكيت يدي وقعدت واقفة في الباب
اياد ....... حولت السماعة وقلتلها وريني القروب خل نقوللهم باي 👋🏻 لاني بنصكر ، لفت الكاميرا شفتهم او بالاصح خليت اعتدال تشوفهم وقلتلها باي وصكرت ، ههههه فتحت الدولاب وانى نضحك خديت تشرت لبسته ومشيت وقفت مقابلها
اعتدال ........ تحشمت من الفضيحة يلي درتها قعدت واقفة ومعصبة
اياد ....... غر شن فكرتي انى ندير بس 😉😂 نبي نفهم ، عليك عقل يلي خطر فيه حتى انى ماخطر عليا
اعتدال ......😤 لفيت وطلعت من الدار ، شن يلي خطر عليا قصدي حنى مانعرفوا عليك شيء ممكن مرتك خطيبتك حبيبتك 🤷🏻♀️ حنى مانعرفوش اذا انت مرتبط والا لا اصلا
اياد ....... شفت لعيونها تبي تعرفي ؟؟؟؟؟
اعتدال .......😳 شن المناسبة 😒 جبتلك عشي حطيته في المطبخ ومشيت بنطلع
اياد ...... شكرا ، قتلك اعتدال كيف خشيتي ؟؟
اعتدال ..... عندنا مفتاح احتياط 🙄 رجعت فتحت يده وحطيت المفتاح فيها خليه معاك باش ماحد يزعجك 😏
اياد ..... شديت يدها وحطيت المفتاح فيها بنفس الطريقة ، عادي انى مش مرتبط تقدري اديري كبسه في اي وقت 😏
اعتدال ...... لو في وضع ثاني لساني مايرتاحش لين نرد بس المره هذه سكتت وطلعت
~~~~~~~~~~~~~~~~~~~~~~~~~~~~~~
صديق ..... لالا اختى بروحها في الحوش
حور .......😳 شفتله مصدومة قاعد يقول أختي حتى للناس !!!
عبد المهيمن..... شن أختى غر اسكت بلا عار
صديق .....😣 قمت عيني لقيت حور تشوفلي 💔 باهي ماشي تمام تمام
حور .......وقفت واشرتله انى بنرقد ومشيت للدار 😫 كيف بندير بس البنات كلامهم صح لو ماقربتش منه ح يتزوج والا بنعيش عمري كله هكي ؟؟؟ باهي كيف بنقرب منه اصلا وانى مش متقبلة الموضوع ، ومازال اعتدال يلي في القصة اووووف شن هالهم يلي مايتمش شفت تلفوني رقم يرن ناقصني انى درته صامت ورقدت
