#ولدك_يابلادي
الحلقــــــــــ(23)ــــة
كتبت نص الحلقة وانحدفت 😭😭😭 رجعت بنكتبها من جديد 💔💔
افنان ....... فتحت عيوني نشوف في ملاك مقعمزه جنبي صورتها مشوشه شفت للباب حمزة واقف فتحت عيوني كويس
ملاك ..... اهي فاقت
حمزة ...... عدلت وقفتي كيف حالك توا ؟
افنان .....نحاول نذكرت شن صار نضت قعمزت كويسة ، شن صارلي ؟
ملاك ..... ارتاحي توا
حمزة ...... لفيت بنطلع ، خليك جنبها ملاك
افنان ....... تذكرت شن صار عائشة وبنتها اخر حاجه ندكر فيها وهي تقول لحمزة خطفت بنتي 💔 ناديته حمزة ووقفت
حمزة ..... تلفتت 😒
افنان ..... وقفت مقابلاته شن صار وين عائشة ؟؟
حمزة ...... روحت 😏 بعد ماجت واتهمت المجرم حمزة انه خطف بنتها وطبعا حمزة يديرها لانه عنده سوابق في الموضوع هذا وقصة الجامع خير دليل 😒
( بصراحة كنت متاكد انها صدقت عائشة ماحطيتش احتمال 1% انها ممكن تسمع مني او تصدقني )
افنان ...... شديت وجهه بين يديه
ملاك ...... تحشمت وطلعت
افنان ....... عارفه انك توا مستحيل ادير هكي توا انت حسيت بالمشاعر هذه ومستحيل تعيش اب او ام الشعور هذا
( كان فيه شيء في داخلي مصدقه 🥺 مع انه فيه حتى خوف انه يطلع دارها صح )
حمزة ......😳 تفأجات بكلامها وفرحة للحظه بس للحظه 💔 ولما اذكرت يلي صار ومكالمة ايوب طار هذا كله سحبت روحي من بين يدها وقلتلها ارتاحي توا
افنان ...... حم...
ملاك ...... هذا عصير برتقال
حمزة ...... طلعت وخليتهم
افنان ...... عائشة وين مشت
ملاك ...... من وين تعرفها ؟؟
افنان ...... عائشة اختى خطيبي السابق
ملاك ......😧 ايوب كان خطيبك ؟؟
افنان ....... من وين تعرفوهم
ملاك ...... أسالي حمزة كان يبى هو يحكيلك وناضت
افنان ......🙄
~~~~~~~~~~~~~~~~~~~~~~~~~~~
اعتدال ..... قعدت نراقب في الرحلة متعه لين طلعلي انه وصل 💔 يعنى خلاص رجع اياد بالنسبه لينا شخص مش موجود شخص خيالي زي قبل
~~~~~~~~~~~~~~~~~~~~~~~~~~~
صديق ...... روحت خشيت للحوش دورتها ملقتهاش خشيت لدارها دقيت عالباب وخشيت
حور ......🥱 روحت ؟
صديق ...... خيرك راقده في الوقت هذا ؟
حور ...... كساد رقدت ، شن جو طلعتك انت
صديق ...... قاعد فيه حواجز لكن تمام طلعه قنينه
حور ...... كويس
صديق ...... احمد قال غدوا دايرين عشي لينا عازمين الاقارب كلهم
حور ..... انت ومن ؟؟
صديق ..... انتِ هههههه انى ومرتي من يعنى
حور ....... اهاااا
صديق ...... هيا نوضي وحولت الورغان من علها 😳
حور ..... كنت راقده في قفطان ثلاثه ارباع ومع النوم راقي فوق 🙈 شديت الورغان تغطيت بيه توا نغير ونجي
صديق ...... مشيت للباب تمام نحط اميه عالنار اطلعي كملي القهوة
حور ...... حاضر
~~~~~~~~~~~~~~~~~~~~~~~~~~~~
افنان ...... ركبت فوق حمزة من وقت طلع معادش رجع وماحد حكالي شيء 💔 شويه ورن تلفوني حور اهلا
حور ...... كيف حالك
افنان ...... تمام
حور ...... نطلب منك طلب 🥺
افنان ...... شن ؟
حور ....... اهل صديق عازمينه غدوا على العشي مانبيش نقعد بروحي نبيك تمشي معاي
افنان ..... انى ؟؟؟
حور ...... اي مش اقارب حمزة اكيد يعزموكم
افنان ..... مش عارفه
حور ...... بالله عليك مابيش نقعد بينهم بروحي ؟
افنان ....... تمام نشوف حمزة اذا عزمونا والا لا ونقولك
حور...... اوكي نستنى في رساله منك
افنان ...... صكرت شويه وروح حمزة
