#ولدك_يابلادي
الحلقــــــــــ( 16)ــــة
اعتدال ......توا قولي امس بتقول حاجه وماصارش
اياد ..... ايه صح قاعده مذكره 😍 اعتدال انى بصراحة كنت كنت بنقولك انى ... قعدت ساكت شوية ، انى ... انى حاسد صديق على حبكم ليه
اعتدال ...... هههههه بجد هذا يلي تبي تقوله !!
اياد ....... ايه علاش مستغربه ! حب بوي ليه وتفضيله عليا وانتِ توا حتى عمامي الكل
اعتدال ...... شوف حقدك على عمي جمال ماليشي علاقة بصديق ، انت زعلان انه بوك سيبك وسافر ولو تفكر وتحط روحك مكانه ح تلتمسله العذر
اياد ..... مافيش عذر يخلي شخص يسيب ولده يلي عمره سبعه سنوات
اعتدال ...... تزوج امك لانه حبها تمام وجيت انت مع الوقت بدي يشوف في فرق البيئة والتربية والثقافة امك وهو واحد سالب وواحد موجب ماركبوش مع بعض مع ان حياته في السويد بدت صعبة شن تبيه يدير ، تخيل بس انت تتزوجني انى مثلا مثلا بس هههه شوف كيف عقولنا كل واحد في جيهه انى بنقعد هنى وانت مش طايق البلاد ، ومش منسجم حتى لو عندنا ولد شن القرار يلي كنت بتاخده
اياد ...... 😍 انى نتحملك
اعتدال ...... ههههه كذاب الحب مع الوقت يتغير خصوصاً لو فيه مشاكل يتلاشى ومايقعد منه شيء الله غالب السويد دولة قانون وبوك مايقدرش ياخدك كان
اياد ...... مش عارف ، ولقي صديق عوض مكاني
اعتدال..... على فكرة انت عمي كان يبعتلك في فلوس كيف ماتبي ويسافر يزور فيك ومدلعك بشكل مقارنتا بصديق ، صديق كان في عيون عمي كانه راجل آلي ومفروض مايغلطش يمكن لهذا مستقيم توا هكي كانه كان لزم يستحق كل قرش ينصرف عليه عمي كان شديد عليه ومايحبش انهم يغلطوا بس مرت عمي كانت حنينه بزيادة وهم بصراحة كويسين صديق هو يلي دخل روحه في العيلة بانه يساعد الكل يعنى حتى بابا وعمي بدوا يعتمدو عليه لانه هو يلي دخل روحه وساعدهم بدى عندهم هو الكل في الكل ومايديروا شيء بلاه يعنى ماتلوماش انه لقي العيلة يلي فاقدها ويلي يتمنها
اياد ...... هو لقيط والا ولد...
اعتدال ..... لا بالعكس بوه وامه معروفين واسمائهم موجودين في بطاقته بس بوه توفه لما عمره 3 سنوات وامه ماحد. يعرف علها شيء خصوصا انها مش ليبية حاول عمي زمان يجيبله معلومات علها لما طلب هو بس ماقدرش
اياد ..... ماشاءالله سي في السيد صديق كله عندك
اعتدال ...... ههههههه عاد كيف قال عاصي الحلاني الحب الاول ياويلي ويلي مصعب نسيانه
اياد ......😏 انى بنخش الشمس ضربتنى
اعتدال ...... هههه ماشي سلام
⭐️روايــــــــــــات صفـــــــــــــــاء⭐️
~~~~~~~~~~~~~~~~~~~~~~~~~~~~~
افنان ...... نضت متاخر لانى مارقدتش طول الليل كيف لبست ملاية الصلاة وبديت نصلي بديت نسمع في هند ام حمزة تعيط عياط موته سلمت بسرعة وفتحت باب الحوش نسمع فيها
هند ..... اهااااااا وليدي وحيدي ياكبدي خدوك منى ياعزوتي
افنان ......😳 حمزة !! نزلت نجري نسيت الاسانسير نزلت من الدروج شفت امه مقعمزه على راكبها وتبكي 💔 ملاك فاتحه الباب ويدها على فمها وتبكي بوه مقعمز على طرف الصالون ويقول لااله الا الله الا اله الا الله 😢 قعدت نمشي بخطوت بطيئة لامه حمزة خيره ؟؟
أوس ..... خاش من الباب هو وزوز قايمين حمزة والدم وراه مداير خط
هند ...... وقفت وليدي وليدي 😭😭
افنان ..... كان تشرته مغسول بالدم ورجله ، دخلوه لدار لوطه وانى مش فاهمه شيء مات ؟ والا عايش ليش جايبينه هنى مرفعوشي للمستشفى
أوس ....... حطوه وطلعوا اهدواء ياعيلة ان شاء الله خير
افنان .....🥺 يعنى هو عايش ؟؟
أوس ....... شافلها ايه عايش الدكتور دار تدخل بسيط في الطريق واهو جي هو. وفريقه
افنان ...... شديت امه نهدي فيها خشوا زوز دكاتره ومعاهم بنت مش متحجبه وهلبا ادوات وصكروا الباب
اب حمزة ..... شن يااأوس وين جوه الاصابات 😢
أوس ...... وحده في رجله ووحده في الضلوع يلي تحت القلب ان شاءالله مش ضاراته
اب حمزة ..... كيف هو طلع بروحه والا غدرو بيه !
أوس ..... انى نحسابه مش ح يطلع البارح لهذا مادورتاش مش عارف علاش طلع بدون مايعطي علم
افنان ...... قعمزت عالكرسي 😥 يعنى لو ماتعاركتش معاه البارح كان قعد في الحوش وماصارله شيء 💔 الوقت بطيء امه وبوه يدعوا ويبكوا طول الوقت اوس طالع خاش ملاك مره تبكي مره تهدي في الوضع
